«أحسن حل لينا ولأولادنا».. تفاصيل طلاق مها الصغير وأحمد السقا للمرة الثانية

كشفت الإعلامية مها الصغير، لأول مرة عن طلاقها مرتين من الفنان أحمد السقا، الأمر الذى أصاب الجمهور بصدمة هي الأولى ممن نوعها تجاه النجم الكبير.

وقالت "الصغير" خلال تصريحات: “اتجوزت بدري أوي كان عندي 20 سنة وشايفة ده كان بدري أوي.. اتجوزنا واتطلقنا ورجعنا واتطلقنا تاني ورجعنا”.

وأضافت زوجة الفنان أحمد السقا: “في ناس كتير مش عارفة إننا اتطلقنا قبل كده، ولما بقول كده الناس بتتصدم، مع إن في مراحل بيبقى أسلم حل هو الطلاق لينا ولعيالنا”.

وتابعت: “أنا أبويا وأمي كانوا دايمًا بيدعموني في حياتي وفي حرية وإن البنت زي الولد، جيت اتجوزت بقى معرفش ليه الراجل بيتحول بعد الجواز لسي السيد فتصدمي بقى بالواقع، أنا عندي طموح زي ما أنت عندك وعندي أحلام إني اشتغل زي ما انت عندك، ويمكن يكون ده حصل لأننا اتجوزنا صغيرين أوي”.

وأكدت أنها في بداية الزواج كانت مطيعة جدًا لكن هناك صـراع بداخلها، قائلة: “أنا في الأول كنت مطيعة جدًا لكن كانت جوايا خناقة، عارفة لما تكوني بتحبي حد أوي فبتبقي ضـايعة، كنت دايمًا بسكت علشان اتفادى الخناقات”.

وعن أساب أول طـلاق بينهما، قالت: كانت بسبب مشــاكل كتير أوي أوي، فعملت وقفة لأني كنت بسعى لإرضاء الآخر دايمًا وفي الآخر محـدش بيرضى وبيدوسوا عليكي أكتر، وده كان بعد ما خلفت أولادي التلاتة، ووقتها حصلت خلافات بيني وبين أبويا مع انه كان هو اللي بيدعمني في البداية، لكن أنا اتطلقت لأني كنت فعلًا بعاني”.