بعد حذف فيديو شقيقته| محمد حلاوة يفتح النار على ياسمين عبد العزيز

قام رجل الأعمال محمد حلاوة، باعادة نشر الفيديو الخاص بشقيقته لمياء حلاوة، التي هاجمت فيه طليقته ياسمين عبد العزيز، بعد مسح الفيديو من على حسابه بموقع تبادل الصور والفيديوهات “انستجرام”.

وكتب "حلاوة" في منشور عبر حسابه بموقع “انستجرام:”: "واضح إن محاولات إخفاء الفيديو مستمرة من أصحاب مصلحة اختفائه، لإخفاء الحقيقة لذلك تم بلوك عليه بعد ادعاء بعض الأشخاص حقوق ملكيته".

وظهرت لمياء حلاوة، شقيقة رجل الأعمال محمد حلاوة، مؤخرًا خلال فيديو نشره الأخير عبر حسابه بموقع تبادل الصور والفيديوهات "انستجرام"، تهاجم من خلاله ياسمين عبد العزيز بعد سخرية الأخيرة من زوجة شقيقها الفنانة ريهام حجاج بعد حلقتها مع الإعلامية بوسي شلبي.

وقالت لمياء في الفيديو: "إحنا عايزينك انتي كمان تركزي في صفحتك وتنسينا، وحاولي أنك تكوني سعيدة لأن إحنا سعداء وإحنا بعيد عنك.. يارب الكلام يوصلك لأن غير كده أظن هتبوظي الصفحة الجديدة بتاعتك هي كمان، ده اللي عايزة أقولهولك لمصلحتك ولمصلحة أولادك”.

وتابعت: "أنا اسمي لمياء حلاوة أخت محمد حلاوة، الحقيقة أنا شفت برنامج ريهام صاحبتي وأختي ومرات أخويا، وكنت فرحانه بيه وشفت أنها قالت كلام محترم وكلام من قلبها، الحاجة اللي ضايقتني وأزعجتني ودي حاجة عائلية إني فوجئت من كام ساعة بكلام يتقال على حرابيق وكلام ميصحش يتقال".

وأكدت شقيقة رجل الأعمال محمد حلاوة أنهم يتعرضون للهجوم منذ 3 سنوات، مضيفة:"بيتقال علينا كلام غلط وإحنا مبنردش علشان خاطر مصلحة ولادنا وعلشان ده اللي اتعلمناه في الدنيا إن إحنا نخاف على ولادنا بس الظاهر أن في ناس تانية مش فارق معاها الكلام ده إحنا خلاص خرجناكي من حياتنا وقفلنا صفحتك ومش بس كده مبنفتكركيش".