زيزي الششتاوي تكتب.. «حدث بالفعل»
دلوقتى كنت بتفرج علي فيلم وثائقي عن متسابقي سباق السيارات بأمريكا كانوا كل المتسابقين بيتسابقوا بجانب بعض عادى بمنتهي الاحترام والروح الجميلة، وكان فيه واحد متألق الناس كلها بتحبه وغالبًا كان بيفوز في كل سباق لحد ما جه متسابق أخر هدفه الأساسي إنه يدمر المتسابق المحبوب ده، ويمكن كان عنده الهدف ده أقوى من إنه يفوز لا، اللي سيطر علي تفكيره ازاي أدمره وأكسره وأخليه يخرج نهائي من تسابق السيارات، وفعلًا زنقه في الكيرف العالي والسيارة اتقلبت بيه وحصلت له كسور وكان لازم يعتزل اجباري وعاش كذا سنة مكسور نفسيًا أكتر حتى من وجع جسمه والناس يادوب اتعاطفت شوية وخلاص ونسيوا.
لكن ربنا لا ينسى وزى ما يكون أوحي لعبده المكسور حرفيًا ده انك لازم ترجع وتكمل وأنا معاك وفعلًا نزل السباق ويحاول نفس المتسابق المعاق بمشاعره ده يقتله ويقلب بيه السيارة لكن ربنا دور الدفة وكان بجانب عبده الصبور والسيارة اتقلبت بالشخص الشيطان ده وهو اللي يتدمر بكل معنى الكلمه والناس تتعجب من رد الدين. هي دى الدنيا إن الناس بتنسي وممكن تسامح لكن ربنا لازم يوريك بعنيك حقك وهو بيرجعلك بكل وجع حسيته وكل كسرة عشان عيونك تدمع من قدرة الخالق وانت بتقول الحمدلله. يكفي قولك، "اللهم إني مسنى الضر وأنت أرحم الراحمين". وأيضًا..https://www.facebook.com/anahwa2019/
