وجبات اقتصادية لرمضان 2025 من مطبخ ”انا حوا”.. كفتة العدس الاصفر

قبل أيام من حلول شهر رمضان المبارك يقدم موقع "انا حوا" مجموعة كبيرة من الوجبات المتنوعة الاقتصادية المناسبة لشهر رمضان، واليوم نقدم لكي، كفتة العدس الاصفر.

المقادير

المقادير

٢ كوب عدس أصفر منقوع
٢ حبة بطاطس متوسطة
٢ كوب برغل منقوع
بهارات حسب الرغبة رشة قرفة كمون كزبرة ملح فلفل أسود بابريكا
حزمة بقدونس وبصل أخضر مفروم
بصلة كبيرة مقطعة
معلقتين كبار صلصة
التحضير

حلة على النار نحط العدس الاصفر بعد ما نغسله وعليهم البطاطس نقطعها مكعبات ونحط عليهم كوبايتين ميه كبار ونسبيهم لحد العدس والبطاطس لما تستوى
نهرسهم مع بعض وهما سخنين نحط البرغل عليهم بس طبعا بعد ما ننقيه و نغسله و ننقعه نص ساعة ونغطيهم دي هتطري البرغل وتسويه

طاسة نحط عليها حبة
زيت ونحط عليها البصلة المفرومة ونشوحها لحد ما تصفر وبعد كدا نحط معلقتين الصلصة وعليهم معلقة كبيرة بابريكا وملح وفلفل والبهارات ونسبيها تتسبك و نحطها على خليط العدس ونقلبها بأيدنا وبعد ما ندعكهم بأيدنا كويس نحط عليهم البقدونس والبصل وندعك
ممكن نضيف معلقتين نشا كبار
عشان الكفتة تقرمش
وبعدها نصبعها زي الكفتة
نحط الكفتة في الثلاجة تمسك نفسها
وفي زيت سخن نقليها ونصفيها على ورق مطبخ
ونقدم مع خضار مشوي او بطاطس بيوريه او رز او مكرونة وسلطة خضرة ومخلل