أصالة تعتذر لابنتها شام بسبب نشر فيديو لحفيدتها في عيد ميلادها الأول

نشرت النجمة أصالة فيديو لحفيدتها "جيهان"، احتفالا بعيد ميلادها الأول، متمنية لها ولأطفال العالم حياة أفضل، وظهرت جيهان في الفيديو وهي ترقص خلال غناء والدتها، شام الذهبي، لها أغنية Happy Birthday.

وعلقت أصالة على الفيديو، كاتبة: "بعتذر من شامي لأني حبيت عايد بڤيدبو خاص بعتتلي ياه اليوم وكتير حبيت شاركه معكم قدّ مافيه بساطه وطيابه وطفوله ودفا وأمان بنتي الصغيره الهديّه من الله كبيره ( جيهان أحمد هلال)".

وتابعت أصالة: جيجي الّلي بنتجمع كلنا عالأرض لمّا تكون عم تحبي أو عم بتحاول تحكي وشكلا بتعرف تغني وبتروق على الموسيقى وبتسلطن .. صار اليوم عمر جيجي سنه كل سنه وحبيبتي وكلّ أطفال العالم كلهم بخير وبسلام وبأوطان حلوه وبتحنّ عليهم ويارب جيجي وكلّ أطفال العالم يعمّروا بالفرح بيوت ومايشوفوا شي للأسف نحنا شفناه ويشهدوا العدل ويعيشوا بأمان.

وكتبت أصالة: وبعيد بنتي الصغيره جيجي برجع وبقول الله يحفظ النِعَمّ واللي منهم أنتي ياروح عمرها صار اليوم سنه .. بوعدك رح أصغر لك ورح أقوى لك وبعرسك أنا رح زفّك وأنا رح ربّي لك ولادك أنتي النّعمه اللي بترجّى ربًي يحفظها ويحفظ كلّ أطفال العالم قولوا آمين.

يذكر أن أصالة طرحت ألبوم "ثم أنا" يوم 1 من شهر يوليو الماضي ومن ضمن أغاني الألبوم "إنسان" و"يمر وما يسلم" و"لا تختبر".