نادين نجيم: ممنوع بنتي تنزل بوست على تيك توك وأنا المسيطرة على حسابها

قالت الفنانة نادين نجيم، إن ابنتها لديها حساب على "تيك توك"، مشيرة إلى أنه خاص للغاية، وهي من أنشأته لإبنتها وتسيطر عليه.

وأضافت خلال تصريحات تليفزيونية: "مفيش حد على الأكونت ده غير أقاربها ورفقاتها فقط، وممنوع تحط بوست، وفتحت معايا الموضوع أن رفيقتها حاطط بوست وهي عاوزة تعمل زيها قولتلها مالناش دعوة".

وقالت: "ممنوع توافق على أي طلب متابعة أو أنها تبعت لأحد طلب متابعة، وأنا اللي بتابعه ومسيطرة عليه، وهي شاطرة في الرقص والتمثيل، قولتلها لو حبيتي أنزلك حاجة عندي أنا هعمل كدة مفيش مشكلة، على الأقل لو في حاجة أزعجتني همسح الكومنت".

وتابعت: "بنتي موهوبة وبتستاهل تظهر موهبتها لكن مع الأسف مفيش كنترول على السوشيال ميديا، وفي ناس مبتعرفش تقول كلام حلو، وممكن يتعرضوا لطفلة".