حق الرد.. فريدة عثمان ترد على اتهامات رئيس اتحاد السباحة
خرجت السباحة فريدة عثمان، عبر صفحتها الرسمية على موقع التواصل الاجتماعي فيسبوك بتصريحات جديدة، ردًا على تصريحات ياسر إدريس رئيس الاتحاد المصري للسباحة ورئيس اللجنة الأولمبية المصرية.
فريدة عثمان ترد على اتهامات رئيس اتحاد السباحة
وفتحت فريدة عثمان النار على إدارة الاتحاد المصري للسباحة، بعد النتائج المخيبة للبعثة المصرية في أولمبياد باريس.
وقالت فريدة عثمان، في بيان لها عنونته بحق الرد: أنا عملت الفيديو علشان الناس عماله تسألني إيه الأسباب اللي خلتني ما روحش الأولمبياد، وأنا استنيت بعد الأولمبياد لما تخلص علشان شوفت كم الهجوم على الأبطال شنیع، وفكرت في مستقبل الأجيال القادمة، أنا خلاص أخذت حقي من حب الناس.
واستطردت في بيانها: أنا فعلا روحت بطولات تأهيلية أو ماكنش انقالي إني ممكن اطلع universality كنت ممكن أكمل محولات ولكن كنت باشترك في البطولات بس للتدريب عشان كنت ضمنه الـuniversality زي ما بلغوني وده يرجع برضه لعدم الدراية الكاملة للوائح اللائحة بتتغير كل أولمبياد.
وأضافت: وبعد أولمبياد طوكيو نظام الـuniversality اتغير ولكن الاتحاد لم يكن عنده علم علشان كده من يوم 20 إلى 28 يونيو 2024 فيه مراسلات رايحه جاية ما بين الاتحاد واللجنة الأولمبية الدولية، لسه بيستفسروا أنا ليه ما ينفعش أروح universality؟ لأن سباقاتي اتحطت على السيستم يوم 19 يونيو والـIOC ردت بالرفض يوم 19.
تصريحات ياسر إدريس
وتحدث إدريس في وقت سابق عن السباحة المصرية قائلًا: فريدة عثمان السباحة المصرية، مصدومة من عدم تأهلها إلى دورة الألعاب الأولمبية باريس 2024، وهو ما نتج عنه عدم توفيقها في الفيديو الذي نشرته مساء الثلاثاء.
