فتاة تزعم اعتداء لاعب الأهلي السابق على والدها

زعمت فتاة عبر منصات التواصل الاجتماعي بـ فيديو تعرض والدها إلى واقعة اعتداء من قبل أحمد عادل لاعب النادي الأهلي السابق، ما أسفر عن إصابة والدها بكسور وجروح حادة في جسمه.

فتاة تزعم اعتداء لاعب الأهلي السابق على والدها

شاركت فتاة تُدعى فرح مصطفى فيديو عبر منصات تيك توك وإنستجرام للتواصل الاجتماعي فيديو تزعم فيه بـ أن والدها تعرض إلى واقعة اعتداء حادة من كابتن أحمد عادل لاعب النادي الأهلى السابق في إحدى المناطق بالساحل الشمالي.

وقالت فرح خلال الفيديو: أبويا كان مع أخويا علي الصغير اللي عمره 6 سنين في مارينا، وكان أخويا الصغير بـ يلعب مع ابن لاعب الكرة أحمد عادل، وعوّر أخويا بـ خربوش في رأسه، ولما بابا شاف اللي حصل بعدهم عن بعض وقالهم متزعلوش من بعض خلاص، وأخذ أخويا الصغير في مطعم عشان ياكلوا.

وأضافت: وهو في المطعم، لقى صاحب المحل جاي بيقول له في واحد عايزك برا، ولما خرج لقى أحمد عادل بيتكلم بـ أسلوب غير محترم وبـ صوت عالي، فـ أبويا رد عليه وقاله الموضوع بسيط وخلاص اتحل.

وأوضحت أنه خلال حديثهما بدأ كابتن أحمد عادل بالتلامس مع والدها والشجار بـ الأيدي، قائلة: زقه في كتفه وبابا شال إيده وقال له ماينفعش تكلمني كده.. إحنا أكبر من كده، اتكلم معايا بـ أسلوب كويس، لكن هو فضل يكرر أسلوبه ويزقه في كتفه وفي وشه رغم أن بابا كان بيشيل إيده في كل مرة.

وادعت قائلة: فجأة بابا لقى 4 ستات ماسكين في إيده الاتنين ورجله الشمال ورقبته، وراح أحمد عادل كاسر لـ بابا رجله وضربه، وأشارت الفتاة إلى أنها اتخذت كل الإجراءات القانونية اللازمة وتم تحرير محضر بالواقعة ومازالت التحقيقات الأمنية قائمة.

واختتمت فرح: الموضوع مكنش يستاهل مستحق إنك تيجي تتناقش فيه، أخويا اللي متعور.. دي بلطجة، أنا مشوفتش كدة في حياتي.

ولم تكتفِ الفتاة بنشر هذا الفيديو، بل أضافت منشورًا آخر عبر حسابتها الشخصية على منصات التواصل الاجتماعي، موضحة كل إصابات والدها أثناء ذهابه إلى المستشفى ومحاولات علاجه.