عديت المرحلة الصعبة.. أول تعليق من أحمد رفعت بعد مغادرته المستشفى
وجه أحمد رفعت لاعب مودرن فيوتشر رسالة طمأنة لجماهير الكرة المصرية بشأن حالته الصحية، وذلك بالتزامن مع مغادرته المستشفى الليلة.
أحمد رفعت يغادر المستشفى بعد أزمته الصحية
وفي مقطع فيديو نشره حساب نادي مودرن فيوتشر قال رفعت: أهنئ جماهير الكرة المصرية بعيد الفطر المبارك.
وأضاف: حبيت أشكركم على دعواتكم ليا طول الفترة اللي فاتت، وبفضل دعواتكم ربنا نجاني من اللي أنا كنت فيه.
ووجه رفعت الشكر لمسئولي مستشفى زمزم ومستشفى وادي النيل واللذين خضع فيهما للعلاج بعد أزمته الصحية.
وواصل رفعت قائلًا: بفضل دعواتكم وبفضل ربنا وبمساعدة الدكاترة عديت المرحلة الصعبة، والأمور استقرت بشكل كبير.
واختتم رفعت: حابب أشكركم وأشكر كل الناس اللي اهتمت وكانت بتزورني وتطمن عليا، معنديش حاجة تانية أقدر أعملها غير إني أشكرهم من قلبي، ويا رب ما نشوفش أي حاجة وحشة في أي حد، والناس كلها تبقى في خير وصحة وكل الناس تبقى في أحسن حال.. أشكركم حبيب أطمنكم الحمد لله الأمور كويسة أشكركم شكرًا جزيلا.
