نجاة لورا عماد طليقة شريف منير من حادث سير مروع
تعرضت الفنانة لورا عماد، طليقة النجم شريف منير، لحادث سير.
ونشرت لورا عماد على حسابها الرسمي بـ انستجرام فيديو لسيارتها، معلقة: عمري ما عملت حادثة في حياتي وطول عمري بقول إن الخوف من الناس اللي بتسوق حواليك مهما كنت أنت بتعرف تسوق، وإن اللي ربنا كاتبهولك هتشوفه.
وأضافت لورا: وأنك متملكش في نفسك ولا في اللي حواليك غير أنك تدعي لنفسك وللي حواليك إن ربنا يحفظنا ويلطف بينا، أما أهم اكتشاف اكتشفته إن الزحمة آمن بكتير من الشوارع الفاضية السريعة.
واختتمت لورا حديثها: أما الحاجه التانية اللي عارفها من زمان إن اللي بيمشي مبيعتبش بس بيسيب ناس اتكسر قلوبهم، لأنهم حبوك من قلبهم، بشكرك يا رب إني مكسرتش قلب حد وإني طلعت منها على خير.. ربنا يحفظكم كلكم ويحفظ ولادكم من شر الطريق وشر الناس المستهترة، وإن محدش مات حتى لو كان هو اللي غلطان لأني مش عارفة كنت هبقى عامله ايه لو كان حد مات، حتى إن كان هو الغلطان.. أرجوكم ارحموا أهاليكم ومتموتهمش وهما عايشين.
