بالصور.. فنانة شهيرة تعلن تفاصيل خضوعها لعملية جراحية خطيرة مؤخرًا

أعلنت الفنانة ياسمين غيث عن تفاصيل العملية الجراحية التي خضعت لها مؤخرًا، وذلك من خلال منشور لها عبر صفحتها الرسمية بموقع التواصل الاجتماعي "فيس بوك".

وقالت ياسمين: "ألم لا يحتمل.. في عضمي، في ضلوعي، في أعصابي، والعملية مكانها صعب والفتح في عضم الصدر ألمه مش طبيعي، بس أي إنسان عادي بيحس بالألم ده بطريقة معينة لكن أنا إيه اللي بيحصل معايا.

وأضافت: "بعد العملية، فهمت إن الفتح في نص القفص الصدري والقطع في العضلة والعضم والأعصاب، بيأثر علي الذراعين، لأن معظم قوة حركتهم بتكون من عضلة الصدر، وفضلت حوالي اسبوعين مش عارفة أستخدم إيدي الإتنين خالص، شوية بشوية مع العلاج الطبيعي بقيت عارفة أستخدم الشمال في حاجات بسيطة واليمين برده لأ والألم في ضلوعي ودراعي وكتفي ورقبتي اليمين غير محتمل.

وتابعت: “الدكاترة قالولي للأسف نصك اليمين بدراعك اليمين هيكون متأثر أكتر بسبب عملية الbreast cancer القديمة اللي أصلا سايبة أثر علي ذراعك فمعلش مافيش حل غير إنك تستحملي وتاخدي مسكنات للألم وعلاج طبيعي لغاية ما يرجعلك ال range of motion والإحساس تاني بنسبة كبيرة.. الحمد لله علي كل حاجة، بس قلت أحكلكم كدة وده ملخص لتفاصيل كتييييير قوي صدقوني منها إني بيغمي عليا من الوجع وغيره”.

يذكر أن الفنانة ياسمين غيث أجرت عملية جراحية منذ قرابة الشهر والنصف، لإزالة ورم حميد بمنطقة الصدر.