فيفي عبده: أنا شجرة مثمرة بيضربوني بالطوب
علقت الفنانة فيفي عبده على الشائعات التي تتعرض لها باستمرار على مواقع التواصل الاجتماعي، مؤكدة أنها شجرة مثمرة وليس لديها استعداد للتقدم في العمر.
وقالت فيفي عبده في تصريحات تلفزيونية: أنا بيطلع عليا شائعات كتير لأني شجرة مثمرة وبيضربوني بالطوب، وحاطني في دماغهم لدرجة موتوني وأنا عايشة، وقالوا إني بتصور مع معجبيني بالفلوس ودي كلها شائعات، وواحدة قالت لي أنا مش بقدر أرقص زيك وبقوم بالعافية وقولتلها ربنا ياخدك لأني لازم أخد حقي وأنام.
وواصلت فيفي عبده: أنا معنديش استعداد أكبر وحاسة إني 25 لأني بحب الحياة زي صباح لأنها قدوتي، وبقيت صايعة في السوشيال ميديا وبقيت مش بتضايق من الانتقادات عكس زمان، ولكن السوشيال ميديا بتصدر لي طاقة سلبية وبقيت أحس أن الناس بتدخل في حياتي زيادة عن اللزوم.
