سميرة صدقي تكشف كواليس مشهدها المثير للجدل مع محيي إسماعيل
كشفت الفنانة القديرة سميرة صدقي، كواليس مشهدها المثير للجدل في فيلم "أنا والعذراء والجدي" والذي شهد خروج الفنان محيى إسماعيل عن النص، موضحةً: "ليس لدي أي مشكلة مع محيى إسماعيل وهو ممثل كويس، ومفيش ما بينا مشاكل، ومعنديش مانع اعمل معاه أي دور جديد".
وقالت "صدقي" خلال تصريحات تليفزيونية: "لم أقل أن محيى إسماعيل اعتدى على في فيلم "العذراء والجدي"، كل ما في القصة أنه خرج علي النص المكتوب في السيناريو".
وتابعت: "محيى إسماعيل كان بيجسد دور الجدي والمفترض أنه كل ما يجي ينام جنبي يعيط وميقدرش يقرب مني لإنه معقد نفسيًا، وأنا عذراء، وفجأة لقيته في المشهد جاي ماسك فيا وبيعمل مشهد خارج النص ومعيطش فقلت للمخرج مينفعش كده، ومش ده المفروض يتعمل، وقتها قمت من المشهد وكلمت أحمد النحاس وقلت له المشهد اللى بيتعمل ده غلط".
وأضافت: "محيى إسماعيل وقتها اعتذر ليا ودخلي الأوضة، وقاللى معلش انا كنت بصور فيلم تاني وربطت الاتنين في بعض".
