بعد التنمر عليها.. هيفاء وهبي تطالب بقوانين منظمة للسوشيال ميديا

طالبت النجمة هيفاء وهبي بقوانين منظمة للسوشيال ميديا وذلك عقب حملة التنمر التي تعرضت لها مؤخرًا حيث طالبت بربط الحسابات الشخصية على مواقع التواصل الإجتماعى "فيس بوك" و"تويتر" بالبطاقة الشخصية.

وأَضافت "وهبى" خلال تصريحات تليفزيونية: «لازم يكون فيه قوانين منظمة للسوشيال ميديا، اللي عايز يفتح أكونت يفتحه بالبطاقة الشخصية، عشان لما يحصل إهانة شخصية أو أي شئ خارج عن القانون يسهل محاسبته»، موضحة: «لكن لما يكون اسم الأكونت» أبونونة، أم سوسو«أنت مش عارف مين الأسماء دي، فلازم ربط الحسابات الشخصية بالبطاقة».

كما وجهت الفنانة هيفاء وهبي رسالة إلى الفنانة يسرا اللوزي بعد التنمر عليها حيث قالت :«ربنا يحفظ بنتها وأكيد ربنا أعطاها أحن أم في العالم عشان متوصلهاش ده، وده مش عيب لأن أكيد الانسان اللي عنده مشكلة في حياته يمكن يكون أحسن من 100 حد بيتنمر».

وتابعت: «المهم ميأثرش هذا الأمر على البنت ولا على والدتها، فهي فنانة محبوبة جدًا، فأنا بعزها وبحبها وربنا يحمي بنتها».