زيزي الششتاوي تكتب: شيطان up date

هتلاقي صوت بودانك بيقول ياريت ميردش، وانت بتتصل بحد عزيزعليك #متسمعهوش.
هتلاقي صوت بيقولك لا تروح ولا تيج، وانت رايح تعمل واجب #متسمعهوش .
هتلاقي صوت بيقولك لا تعزم ولا تهد نفسك بلا تعب وغرامة #متسمعهوش .
هتلاقي نفسك معتزل وشايف كل الناس وحشين ومقصرين وتبرر لنفسك قطع الود وصلة الرحم . ( مش إنتم بس اللي زمن عندكم اتغير واتطور الشيطان كمان طور نفسه وحدث نفسه بنجاح عشان يبعدكم عن ربنا ).

وهتلاقي نفسك أو حد تعرفه كويس وضع نفسه مكان العارف والمفتي الذي ليس له الحق أن يعطيك رأيه في أي موضوع وبالتالي يتم تضليلك وبعدك عن الصح واتباع الخطأ بكل أريحية ولأن الشيطان هو من يتكلم علي لسانه فأنت بتنفذ أوامر الشر وقطع الود وسوء الأخلاق كما يجب أن يكون ومبرر مثل هؤلاء الأشخاص ( خيرا تعمل شرا تلقي، انشف كده بلاش الطيبة الزايدة دى ، وغيره كتير ) وعشان ترتاح من النسخة الجديدة لإبليس ذكر نفسك دائما إن كل العالم لوجه الله تعالى انت بتعمل علشان ربنا و بس مش علشان حد يشكرك أو يكافئك ربنا ها يرد لك كل الخير إضعاف مضاعفة في حياتك و شغلك ودراستك .. اوعى تنتظر شكر من بشر ... خلي عملنا كله خالص لوجه الله " إنما نطعمكم لوجه الله لا نريد منكم جزاء ولا شكورا" صدق الله العظيم