بعد شكوى 50 بنت.. فنانة شهيرة تحذر من طبيب متحرش وتعليق نارى

حذرت الفنانة آية سماحة، من أحد الأطباء بعد اتهام أكثر من فتاة وسيدة له بالتحرش بهن، وذلك من خلال منشور عبر حسابها بموقع انستجرام.

ونفت "سماحة"، تعاملها مع الطبيب المتحرش، مشيرة إلى أنها لم تتعامل معه، ولكنها وجدت كثير من زملائها تعرضن للتحرش خلال ذهابهن للعيادة الخاصة به.

وأضافت آية سماحة: أكثر من شخص باعت لي على الدكتور وكمية الناس اللي راحت له كتير وحد من صحابي وناس كتير لسه بتروح له، ونزلته من مبدأ إن الناس تبقى عارفة وما تتعاملش معاه تاني.

وقد كتب أحد الأشخاص عبر حسابه بموقع "انستجرام": أكتر من 50 بنت كلموا الـskincare bloggers عن دكتور مشهور على انستجرام أسلوبه سلوكه مش طبيعي مقارنة بأي دكتور محترم بعد ما واحدة من الskincare bloggers اشتكت منه.

وأضاف: البنات قالتلنا إن الدكتور م. ع. بيطلب منهم أنهم يروحوا العيادة بتاعته اللي في الشيخ زايد في أيام الإجازة اللي العيادة بتكون قافلة فيها ومش بيكون في حد هناك غيره، حتى السكرتيرة والممرضين مش بيكونوا موجودين وده غير قانوني. الدكتور م. ع. كمان بيبعت رسايل كتير للبنات على انستجرام غير مناسبة، وطلب من بعضهم يروحوله العيادة في وقت متأخر وبيقول لهم إنه ممكن يعدي عليهم ياخدهم بالعربية وإنه هيفتح العيادة مخصوص عشانهم.

وتابع: وفي العيادة أثناء الكشف (اللي بيكون معوش حد من الممرضات فيه)، بيقول للبنات تخلع ملابس مش المفروض أنها تخلعها عشان يكشف على مناطق مالهاش أي علاقة باللي بيشتكوا منه (تم التأكيد من كذا دكتور في نفس تخصصه) باستخدام كلام زي "اقلعي البنطلون" و"وريني صدرك".

واستكمل: لما الموضوع انتشر بين الـ skincare bloggers و‏كتبوا عن الموضوع بدون ذكر اسم الدكتور، ناس كتير عرفت على طول مين الدكتور ده واتكلموا عن مواقف كتير شبيهة وأسوء حصلت مع نفس الدكتور وكل بنت كانت فاكرة أن هي بس اللي حصل معاها كده.