فنانة شهيرة تكشف تفاصيل القبض عليها بتهمة تعاطي المخدرات

كشفت الفنانة نيفين مندور، تفاصيل القبض عليها بتهمة تعاطي المخدرات، قائلة: «باختصار شديد الموضوع ده بالنسبة لي بيضايقني.. هو الموضوع كان خاص بوالدي مش بيا خالص.. بس هما حبوا يكسروه بيا، ورحت في الرجلين، وهو بقى بين نارين بين بنته وسمعته، لأن الموضوع مبقاش سمعته بس، لا بقيت سمعة بنته كمان».

وأضافت "مندور"، خلال تصريحات تليفزيونية، مساء الجمعة: «بس ربنا كبير والحمد لله براءة من أول دقيقة، مفيش حد قدر يشكك فيها يعني، وفكرت كتير إني أرد ولكن ردود فعل الناس هي اللي خلتني مردش».

وتابعت: «ومكنتش مضطرة أقول إني بريئة، فأصلح لمين.. للناس المريضة.. دول مش فارقين معايا، غير إن نفسيًا الموضوع كان مخليني مش قادرة أعمل حاجة، ده غير إن الموضوع جه في وقت وفاة والدتي، فكانت الظروف صعبة».

وكانت نيفين مندور لاقت نجاحًا كبيرًا خلال مشاركتها في فيلم "اللي بالي بالك" من تأليف نادر صلاح الدين وإخراج وائل إحسان وبطولة محمد سعد وحسن حسني وعبلة كامل وحسن عبد الفتاح.