عمرو وهبة يطالب مباحث الإنترنت بمعاقبة أحد المتابعين: «متخليش حد من أهلك يكلمني يعيط»
أعلن الفنان عمرو وهبة عن غضبه من أحد المتابعين الذي يوجه السباب والألفاظ النابية له عبر صفحاته بوسائل التواصل الاجتماعي، لذلك قرر التصدي له بالتواصل مع مباحث الإنترنت.
وسجل «وهبة» تعليقًا عبر صفحته الشخصية بـ«فيسبوك»: «قولت قبل كده كتير إنى بطنش الكومنتات السلبية والشتيمة عشان ده جزء من شغلي ومع أني مش شايفلها مبرر خصوصًا أن بوستاتى هزار لا سياسة ولا كورة ولا دين».
واستكمل: «دايمًا كنت بقول معلش جايز اللى بيشتم ده ظروفه وحشة، يومه وحش، حياته وحشة، بيكرهني لدرجة أن مش قادر يمسك نفسه.. بس قولت برضه في نفس البوست أني في مرة هخلي واحد عبرة وهكمل للآخر وهزعله.. ولقيت الواحد ده».
وتابع: «وبما أنك بتشوف بوستاتي وبتشتمني فيهم كلهم فأنا بقولك أهو متمسحش الكومنت عشان كله معايا ومتعملش بلوك ومتخليش حد من أهلك يكلمني يعيط».
كان الفنان عمرو وهبة شارك في الفيلم التسجيلي الخاص بحفل افتتاح طريق الكباش بالأقصر، والذي يحمل اسم «الأقصر السر»، والذي عُرض على هامش الاحتفالية التي حضرها الرئيس عبدالفتاح السيسي وحرمه، ورئيس الوزراء الدكتور مصطفى مدبولي، منذ أيام.