سمية الخشاب تكشف تفاصيل عدم خوضها فترة المراهقة وتعلق: «نفسي أعيشها»
كشفت الفنانة سمية الخشاب، مساء الإثنين، عن عدم خوضها فترة المراهقة في سن الشباب، مشيرةً إلى أنها تتمنى حاليًا أن تعيش هذه الفترة، موضحً، أن والدتها كانت السبب في ذلك.
وقالت "الخشاب" خلال تصريحات تليفزيونية: «معشتش مراهقتي وعايزة أعيش مراهقتي، ماما كانت بتخاف عليا جدًا في سن المراهقة وكانت على طول حابساني».
وأضافت، "كان ممنوع أبات عند من قريبي ولا خالي ولا عمي عشان عندهم أولاد، وبعد الساعة 9 مينفعش أتأخر عن البيت، ولو صاحبتى قاعده معايا في البيت عندي مينفعش نقفل الباب علينا خالص، دلوقتى فهمت لما كبرت إنها كان عندها حق تخاف عليا وكانت بتخاف علينا بصراحة جدًا".
وكانت "الخشاب" أثارت الجدل بتصريحاتها مؤخرًا، وكان آخرها أيضًا حينما شكرت محكمة لوس أنجلوس قائلة: «شكرًا محكمة لوس أنجلوس على قبول طلبي ومبروك يا بريتني بقيتي حرة بعد ١٤ سنة من العذاب والاستغلال يلا ارجعيلنا بأغاني حلوة بقي زي gimme more كده عشان عايزه أحط أغاني جديدة لـWorkout playlist بتاعتي».
