«بقينا سعداء من بعدك».. شقيقة محمد حلاوة توجه رسالة نارية إلى ياسمين عبد العزيز

وجهت شقيقة رجل الأعمال محمد حلاوة، السيدة لمياء حلاوة رسالة إلى الفنانة ياسمين عبد العزيز عقب تعليقات الأخيرة.

وظهرت لمياء في فيديو نشره محمد حلاوة عبر حسابه على موقع تبادل الصور والفيديوهات "انستجرام" تعلق فيه على ما نشرته ياسمين عبد العزيز على صفحتها الشخصية على موقع التواصل الاجتماعى "فيس بوك" تعليقًًا على لقاء ريهام حجاج مع الإعلامية بوسى شلبى والذى تحدثت خلاله عن كواليس زواجها من رجل الأعمال محمد حلاوة.

وقالت: "أنا اسمي لمياء حلاوة أخت محمد حلاوة، الحقيقة أنا شفت برنامج ريهام صاحبتي وأختي ومرات أخويا وكنت فرحانه بيه وشفت أنها قالت كلام محترم وكلام من قلبها، الحاجة اللي ضايقتني وأزعجتني ودي حاجة عائلية أني فوجئت من كام ساعة كلام يتقال على حرابيق وكلام ميصحش يتقال".

وتابعت: "يا جماعة إحنا بقالنا 3 سنين بنتحارب ونتهاجم ويتقال علينا كلام غلط واحنا مبنردش علشان خاطر مصلحة ولادنا وعلشان ده اللي اتعلمناه في الدنيا أن احنا نخاف على ولادنا بس الظاهر إن في ناس تانية مش فارق معاها الكلام ده احنا خلاص خرجناكي من حياتنا وقفلنا صفحتك ومش بس كده مبنفتكركيش وعاوزينك انتي كمان تركزي في صفحتك وتنسينا وحاولي أن انتي تكوني سعيدة لأن احنا بقينا سعداء واحنا بعيد عنك، يارب الكلام ده يوصلك لأن غير كده أنا أظن انك هتبوظي الصفحة الجديدة بتاعتك هي كمان، ده اللي عاوزة أقولهولك وأقوله لمصلحة ولادك".

يُذكر أن ياسمين عبد العزيز قد نشرت عبر صفحتها بموقع "فيس بوك" صورة لزوجها أحمد العوضي من أحداث مسلسل "اللي مالوش كبير"، ومكتوب عليها: "على الله حكايتكم يا جوز حرابيق".