علموا أولادكم أن مسلسل #ملوك_الجدعنة تدمير للأخلاق والمجتمع ونشر البلطجة

انتشرت على صفحات السوشيال حالة من الغضب ضد مسلسل ملوك الجدعنة لعمرو سعد ومصطفى شعبان، وانتشرت بوستات عديدة تعبر عن حالة الغليان من المسلسل منها بوست انتشر على نطاق واسع يقول:-

علموا أولادكم إن الأشكال دى عمرها ماتنفع تبقى قدوه ولا ينفع يتقال عليها ملوك الجدعنة.علموا أولادكم إن الرجولة أدب وأخلاق وكرم وغيره على أهل بيتهم واللى مسؤلين منهم وحتى جيرانهم.علموا أولادكم إن الجدعنة فى الرزق الحلال والشغل بايدك وأنك ماترميش بلاك على حد ولا تسرق حد ولا تنصب على حد.علموا أولادكم إن الجدعنه مش فتحة صدر ولا عوجة لسان ولا كلمتين مترتبين ملهمش اى تلاتين لازمه.علموا اولادكم ان الجدعنه والرجوله والأدب والاحترام فى تمسكهم بالدين واحترامهم للكبار وخوفهم وعطفهم عالصغار ، علموا أولادكم إن الرجوله أدب واحترام. انا مش شايف ملوك جدعنة فى الصورة أنا شايف جوز صيع وشمامين ومتربوش لابسين سلاسل وفاتحين صدرهم زى البلطجية المخرج عايز يقنعنا بيهم ان دول مثال للجدعنة والمرجلة وبعدين يخلص المسلسل نشوف بقى نسخ مكرره على الكورنيش وفى كل منطقى وكل مكان امثال البهوات مش دي الجدعنة، مش دول شبابنا، مش دي الرجولة، مش دا لبس الرجاله، مش دا حوار المتربيين، إحنا مش كده، شبابنا مش كده، بيوتنا مش كده، وهو ده اللى بنصدره للأجيال الجديده وبعدين نقول الشباب مالها بقى شكلها وطريقتها بقت مقرفه كده ليه وليه جرايم القتل كترت وليه الناس مبقاش عندها رحمه.. وكل دا بينعكس علينا وعلى بناتنا كمان.. لما تلاقى بنتك جيالك متعوره ووشها بايظ من اشباه رجال بسبب انها رفضت عريس..كل دا سببه المهزله الى بتحصل فى المسلسلات والافلام. دول ملوك الشبحنه والسرسجه، مش الجدعنه!!" إنكروا الباطل و ارفضوه " !! وأيضًا..https://www.facebook.com/anahwa2019