مساء الفضايح على الكرة المصرية.. فضيحة ومصيبة
تداول رواد مواقع التواصل الاجتماعي، منشور ينتقد الفساد في منظومة الكرة المصرية، وقال المنشور منظمة FIFPRO المهتمة بشؤون اللاعبين المحترفين في جميع أنحاء العالم نزلت بيان رسمي
بتقول فيه بوضوح
( تحذير لجميع اللاعبين المحترفين .. ننصحكم بعدم التوقيع مع أندية مصرية ) ..
انا مش مصدق !!
دي فضيحة متكاملة الأركان !!
البيان شهد فيه النصائح التالية لأي لاعب محترف هيوقع لنادي مصري :
1- متسلمش جواز سفرك لأي مسؤول في النادي .. صورة ضوئية فقط ، لو النادي أصر ان لازم ياخد جواز سفرك عشان الاقامة .. خليك مُصر على الحضور اثناء قيام النادي بالتفاصيل دي وبعدها استرجع جواز سفرك .. لأننا واجهنا مشاكل كتير من هذا النوع اثناء توقيع لاعبين على فسخ التعاقد
2-اوعى توقع على عقد فاضي مهما طلب منك مسؤولين النادي ، فيفبرو واجهت قضايا كتير من نفس النوع .. اللاعب بيوقع على عقد فاضي وبيفاجئ بعدها بتغيير بعد النقاط المتفق عليها قبل العقد زي الرقم اللي هياخده .. ممكن يتكتب رقم تاني
3- لازم يبقى معاك نسخة من العقد موقعة منك تكون دليل وحجة قوية ليك في حال حدوث اي مشاكل
4- اتأكد من العملة الموضوعة في العقد هل هي جنيه مصري ولا يورو ولا دولار .. لو مش متحددة ممكن النادي يحددها من وراك .. ومتسيبش خانات فاضية في الشروط الإضافية عشان النادي ممكن يزود شروط متعرفش عنها حاجة
5- خليك حذر في التعامل مع الوكلاء .. وكيلك لازم يبقى بينك وبينه علاقة قوية وراسخة لأن الوكلاء في مصر بينهم وبين الأندية مصالح
6- اتأكد انك ممكن تطلب الإنصاف من فيفا لأن الهيئات والمؤسسات الرياضية في مصر مش ملتزمة بالمتطلبات الأساسية للنزاهة والاستقلالية
7- اتأكد ان مش كل الأندية عندها نظام Fifa TMS بالتالي يقدروا يطلبوا شهادة الانتقال الدولية من نادي اخر ، اتاكد ان العملية دي متوثقة لأنها غالبا بتحتاج توقيع عقد اضافي لازم تضمن حقك
دي الحاجات اللي وردت في البيان .. كارثة والله العظيم فضيحة بجلاجل .. مش مصدق اقسم بالله
انتم متخيلين العالم باصص لنا ازاي ؟ متخيلين الكورة في مصر دلوقتي وبيتقال عليها ايه ؟ احنا قدام الكوكب حرامية ونصابين دلوقتي
يعني مش كان زمان زيتنا في دقيقنا .. لا لا انسى .. فضيحتك دلوقتي قدام 8 مليار بني ادم
https://m.facebook.com/story.php?story_fbid=pfbid034b6t38qY56Y5JuinZHpbQDqvBr5kMtyJ5ZAnUhk57gfKcuCdJFsEG2pkCbiprETDl&id=100048953510654&sfnsn=scwspwa&mibextid=6aamW6
كل دة بسبب السمسرة والعمولات واكل فلوس لاعيبة الزمالك
