شاب تنبأ بوفاته ونعى نفسه بكلمات غريبة: «دوري جاي»
فارق الحياة شاب عشريني قبل أيام، بعدما تنبأ بوفاته قبلها بأسبوعين، وودع أهله وأصدقائه قبل رحيله برسالة غريبة عبر منصات التواصل الاجتماعي.
رحل الشاب محمود عبده، ابن مدينة الأقصر بصعيد مصر، إلى جوار ربه بسكتة قلبية مفاجئة أصابته عقب أيام قليلة من كتابته كلمات حزينة وغريبة تحدث فيها عن كثرة موت الفجأة.
رسالة غريبة من شاب تنبأ بوفاته
وكتب عبده البالغ من العمر 25 عاما، عبر حسابه على موقع "فيسبوك": "الوضع أصبح مرعب جدا كل دقيقة والثانية حد يتوفى تعرفه من بعيد أو من قريب، كل دقيقة تلاقي حد منزل خبر وفاة شخص عزيز عليه، بجد بقيت خايف ومرعوب على كل اللي بحبهم وحوليا، فلحظة أفقد واحد فيهم، الموت مبيفرقش بين صغير وكبير، مين بيبني حياته ومين بيحاول ينجح ومين لا".
وأضاف الشاب العشريني في منشوره: "خايف دوري أو دور شخص قريب مني يبقى اللي جاي، الحياة فعلًا طلعت مش مستاهلة أي حاجة من اللي بنعملها، غير إننا نحب بعض ونفضل قريبين من بعض".
وتابع الشاب: "خافوا على بعض محدش عارف مين ماشي إمتى، ممكن تبقى لسه قاعد مع صاحبك وسبته وبعدها بشوية تسمع خبر وفاته ممكن يختفي يومين تلاته سواء زعلان أو مشغول تكتشف إنه في الحقيقة مبقاش عايش".
