عاجل.. عاوز زي قوم لوط.. أم عروس طنطا: ”مقتل بنتي مش بسبب حقه الشرعي”

كشفت والدة آية عروسة طنطا المقتولة على يد زوجها تفاصيل جديدة حول الواقعة ، مؤكده أن زوجها كان يريد حقه الشرعي ولكن بطريقة حرام زى قوم لوط فهي رفضت وبنتي قالتلي على السر فى أوضه نومها لما روحتلها وأنا قولتلها انتوا لسه فى أول العلاقة".

ودخلت جدة آية عروسة طنطا المتوفية على يد زوجها بعد أن قتلها بعد 48 ساعة من زواجهم لرفضها إعطائه حقه الشرعي ، وفقا لما قاله ، فى حالة انهيار كبير أمام قبرها وطالبت بإعدام زوجها.

وقالت جدة آية عروسة طنطا المقتولة على يد زوجها “ مشيتي بدري .. مشيتي والسر معاكي قطعك بالسكينة وعضمك كان باين .. ربنا يجبلك حقك .. يا قلب ستك وأمك عليكي العمر كله مش هنرتاح غير لما يجبلك حقك ربنا”.

شهدت منطقة نيفيا بمركز طنطا التابعة إلى محافظة الغربية، واقعة مأسوية راحت ضحيتها عروس تدعى "أ. ح. ا"، عقب زفافها بثلاثة أيام، حيث أقدم زوجها على قتلها طعنا مما أسفر عن وفاتها متأثرة بجروح وطعنات متفرقة بالجسد.

في البداية وجهت جهات التحقيق سؤالا إلى المتهم عن ماهي تفصيلات إقراره، وجاءت الإجابة كالآتي:

اللي حصل إن أنا متجوز"أ. ح. ا"، من حوالي 3 أيام وكان أول يوم هو الاثنين اللي فات، وأنا وهي معملناش مع بعض أي حاجة لأننا كنا تعبانين ومجهدين من الفرح لأننا رجعنا البيت الساعة 12 بالليل ونمنا، وتاني يوم اللي هو كان الثلاثاء اللي فات الموافق 24- 4- 2023، وصحينا بعد الظهر وأنا اليوم ده حاولت إني أخد حقي الشرعي منها إلا أنها قعدت تقولي لا ابعد عني ومتقربليش، ومرضتش إنى أعمل حاجة معاها واتغدينا مع بعض وقعدنا باقي اليوم نتفرج مع بعض على فيلم ونتكلم ونضحك ونهزر، وبالليل اتكلمت معاها تاني علشان أخد حقي الشرعي منها فهي قالتلي أنت مستعجل على أيه، قدامنا العمر كله ولسة بدري علينا لحد ما نمنا.

وأضاف: تاني يوم اللي هو يوم الأربعاء الموافق 26- 4- 2023 صحينا الصبح بدري وعلى الساعة 10 الصبح كده والدتها جات ومعاها أكل وكان معاها الذهب بتاع مراتي وادتهولي وقالتلي أنت أولى بيه، وأنا رديت عليها وقولتلها أنا معايا أغلى من الدهب يا ماما، وبعدين هي قعدت معانا ساعتين وطول الساعتين قعدت معانا احنا الاتنين نتكلم ونضحك ونهزر، وشربنا لبن مع بعض وفطرنا مع بعض، بعد كده هي أخدت بعضها ومشيت.

وتابع: بعد والدتها ما مشيت قولتلها تعالي أنا عايز أخد حقي الشرعي منك وهي برضه قعدت تتهرب مني، وأنا حاولت أكلمها وأعرف هي مش راضيه ليه، وقالتلي علشان هي لسه مخدتش عليا ومكسوفة مني فأنا وقتها سكت وقعدنا نتكلم سوا، وقعدت كدة أحاول أداعب فيها علشان ترضى إنى أنا أخش عليها وهى بردو مش راضية، وفضلنا كدة لحد على الساعة 11:30 مساءا قولتلها يلا يا بنتي أنا عايز أخش وحرام عليكي وده حقي الشرعي وبردو هي مارضيتش، ووقتها كنت جبت آخرى منها ورحت على المطبخ أخدت سكينة كبيرة شوية كانت محطوطة على رخامة الحوض ولما دخلت عليها أوضة النوم كانت مدياني ضهرها ونايمة على بطنها عند طرف السرير، فقمت أنا نزلت على ظهرها بالسكينة وضربتها أكتر من ضربة، وهي حاولت تفلت مني وبتتقلب بسرعة علشان خاطر تهرب قمت ضاربها بالسكينة في رقبتها وفي وشها، ولما شفت الدم قعدت أخبط فيها كتير بالسكينة وهي كانت على حرف السرير ووقعت على الأرض ما بين السرير والتسريحة، وأنا كملت فيها ضرب لحد ما أكدت أنها ماتت.

وأكمل: وهي بتقع دماغها خبطت في الكومدينو اللي جنب السرير، وبعد كدة رميت السكنية جنبها ولبست هدومي وكلمت أخوها حازم وقولت له تعالالي حالا في مصيبة تعالى الحقني، ونزلت الشارع بعدها وطلبت الإسعاف، وأنا قعدت أصرخ وأصوت وأقول الحقوني مراتي راحت مني الحقوها، وبعدين الناس في المنطقة اتلمت فأنا كنت بتمرمغ في الأرض وبصوت وأصرخ بأعلى صوتي علشان حد يلحقها.

واستكمل: بعدين الإسعاف جات والشرطة وقبلهم أخوها حازم جه علشان يشوف في ايه، ولما الإسعاف جات طمنوني شوية وبعديها بشوية الشرطة جات وقعدوا يتكلموا معايا علشان يعرفوا ايه اللي حصل، وأنا حكيتلهم كل حاجة بالتفصيل وبعدها خدوني بعربية الشرطة وطلعوا بيا على المركز.

وقررت نيابة بمركز طنطا، في محافظة الغربية، حبس محمد. ال، الزوج المتهم بقتل زوجته المعروفة إعلاميا بعروس طنطا، بعد 48 ساعة من حفل زفافها داخل غرفة نومها، بقرية كفر داود التابعة لدائرة المركز 4 أيام على ذمة التحقيقات مع مراعاة التحديد له فى الموعد القانونى .

تعود أحداث الواقعة، عندما تلقى اللواء محمد عمار مدير أمن الغربية إخطارًا من مأمور مركز شرطة طنطا، يتضمن العثور على آية حمودة الشبينى ، عروس متزوجة من يومين، جثة هامدة داخل غرفة نومها، مصابة بعدة طعنات متفرقة في الجسد، وأن المتهم زوجها محمد. ا، 29 عاما، ومقيمان عزبة كفر داوود، التابعة إلى قرية نفيا، بمركز طنطا، وحرر محضر بالواقعة وتولت النيابة التحقيق.