بدرية طلبة تهاجم ياسمين عز: بتهدمي العلاقة بين الزوج والزوجة
خرجت الفنانة بدرية طلبة لتعرب عن غضبها من تصريحات المذيعة ياسمين عز المثيرة للجدل عن الرجال، وذلك بطريقة ساخرة، مشيرة إلى أنها يمكن أن تهدم العلاقة بين الزوج والزوجة دوت قصد.
قالت بدرية طلبة خلال فيديو نشرته عبر حسابها الرسمي بموقع التواصل الاجتماعي "فيس بوك": "إيه يا ياسمين إحنا ماشيين بالعلاج، كل واحدة فينا فيها اللى مكفيها، اللى متجوزة ومستنياها تقول يا أستاذ محمد فيها اللي مكفيها، بدل ما تطول فى المد بالألف مفيش وقت الناس بتكح تراب وانتي جاية تقولي لها مدي بالألف، يعني الكلكعة اللي في قلبي منك زادت".
وتابعت حديثها: أنا لو قلت كده هيديني بطبق الملوخية فى وشي، إنتي بتوقعي توقيع غير مشروع وممكن تكوني قاصدة منه خير، بعد ما أقوله يلا يا محمد أقوله محمد بمد الالف واتنحنح شتوي، لا يا ياسمين لا، والله يا ياسمين يوم ما كنت بقوله يا قلبي، أحس إني في إيه، لا وقت للدلع المرق، بصي يا ياسمين إنتي خلتينا فعلا نكلم نفسنا.
واختتمت بدرية طلبة حديثها، قائلة: وبعدين اي الصوت الشتوي ده يعني الست تلبس بطانية وهي بتتكلم ولا اي، وحتة الزوجة التانية الرجالة نفسهم مش مقتنعين، دانتي ممكن تروحي تقضي على جوزك يوم الصباحية.
