لو مدفعتش هيسحبوا العروسة.. سخرية السوشيال على شروط الزواج المزعومة في مصر

انتشرت موجة من السخرية بين الشباب المقبلين على الزواج في تعليقاتهم على صفحات السوشيال ميديا خلال الساعات الماضية ما بين الغاء فكرة الزواج من الأساس أو الزواج في الآخرة، بعد حديث الرئيس عبد الفتاح السيسي على ملامح مشروع قانون الأحوال الشخصية الجديد.

ووجه الرئيس السيسي، بإنشاء صندوق لرعاية الأسرة ووثيقة تأمين لدعمها ماديا في مواجهة النفقات والتحديات ذات الصلة بمسائل الأحوال الشخصية، مع توفير المصادر التمويلية للصندوق ودعمه من قبل الدولة، وذلك حفاظا على الترابط الأسري ومستقبل الأنجال.

وقال أحد رواد السوشيال ميديا خلال منشور له: "جيل فاشل، الشاب من دول مش عارف يدبر مليون جنيه يتجوز بيهم ويدي البلد حقوقها !!"، وأضاف أخر: "الناس المتزوجين في أيام الرخص تبوس ايديها وش وظهر واللي لسه متجوزتش تبوس ايديه وش وظهر علشان مش هترتكب الجريمه دى، ده اشتراك شقه في الإسكان الجديد مش جوازه، لو ما ممعكش ال 20 او ال30الف اللي لازم يدفعوا في الصندوق والظروف صعبة مش كفاية لعقد القران موافقة القاضي واللجنة انت مش واخد بالك مانت لو مدفعتش او مش معاك يبقي قرار القاضي برفض الزواج، ازاي هتدخل علي زواج وتكفل زوجة ومتطلباتها وانت اساسا ممعكش فلوس يبقا بكدا انت غير صالح للزواج".

وكتب أخر: "احمدوا ربنا يا جماعة، عندنا فى الكونغو، خلاص فرضوا أنواع الضرائب القديمة والجديدة، ناقص محافظ المنطقة يبقى ليه حق الليلة الأولى من كل عروسة"، بينما سخر أخر: "دا كدا عايزين HR للجواز مش مأذون، طب يعني ايه مناسبة الشاب للفتاة؟ الي هو لا والله العروسة دي حلوه اوي عليك انت شكلك سرسجي معلش قسمة ونصيب، بعدين انا مشكلتي كلها في دفع الاشتراك دا .. طب لو الي مش هيدفع هيعملوا معاه ايه؟ هيسحبوا العروسة".

وسخرت أخرى: "بصراحة الأهم يبقى فيه كشف نفسى على الزوجين قبل الزواج علشان العاهات اللى عايشه بيننا دى ياتتعالج ياتعيش لوحدها لحد ماتموت دون ان تتكاثر، الجواز فى مصر مشكلته اكبر من كدة، عقليات الناس محتاجه تتعدل، والأهل اللى ابنهم غير سوى يعالجوه مش يجوزوه، لكن مفيش قانون هيعدل الكفه من غير مواجهة جهل الناس".