تصريحات صادمة لنجمة ستار اكاديمي ..الحمامات كان فيها كاميرات

قالت الفنانة المعتزلة زيزي عادل، إن لو عاد بها الزمن لن تخوض تجربة برنامج ستار أكاديمي، الذي شاركت في أحد مواسمه قبل سنوات، وكان سببا في شهرتها.

وأضافت : "بصراحة لو رجع بيا الزمن أكيد مكنتش هروح عشان قراراتي دلوقتي وتغيير فكري وتقربي من ربنا يخليني أقول ياريتني معملتهاش، بس أنا مش بندم لإن كل حاجة لها ترتيب ولسبب معين".

كما اوضحت أن ستار أكاديمي تجربتي بداية النجاح والانطلاقة، بعد البرنامج نزلت لقيت نفسي مشهورة مع إن مكانش عندي أغاني ولا ألبومات بس مشهورة كإني بقالي 10 سنين بغني، مصدقتش استقبال الناس في المطار لان هناك مفيش تليفزيون ولا كان معايا موبايل مكنتش اعرف إيه اللي بيحصل برة، بعد ما بتطلعي بيحصل صدمة انك مشهورة ومعروفة".

وكشفت عن مفاجأة، بعد سؤال ياسمين هل كانت الكاميرات موجودة في كل مكان بالبرنامج، لترد زيزي "في كل حتة كان فيه كاميرا، الحمامات كان فيها كاميرات، بس مش في التواليت نفسه، لكن أمام الأحواض والمرايات، وانتي بتغسلي ايدك ووشك فيه كاميرات، ودي حاجة شوية بتضايق، وأول كام يوم كنت حاسة اني متراقبة".

في أبريل 2022، قررت الفنانة زيزي عادل اعتزال الغناء، ونشرت مقطع فيديو عبر حسابها بموقع "إنستجرام"، قالت فيه: "أنا طالعة أقول خبر مهم جدا أخدته في حياتي، ويمكن يكون أهم خبر خدته في حياتي، هو قرار الاعتزال، قررت أسيب المهنة اللي أنا بشتغلها".