جليلة محمود تكشف عن المتسبب في وفاة ابنها.. وما علاقة فيفي عبده؟
كشفت الفنانة جليلة محمود أنها تؤمن بالحسد وتخاف منه، مشيرة إلى أنها لا ترغب أن يشاهد أحد ابنها، حيث توفي بسبب الحسد من أحد الأشخاص التي عملت معه خلال عمل فني.
وأضافت «جليلة» قائلة: «مش عايزة حد يشوف ولادي تاني لأن أنا ابني راح بسبب الحسد وأنا موجوعة من سنين من ساعة ما فقدت ابني».
وأضافت «جليلة»: «الحسد في كلمة، وكان لما حد يسألني كنت بقول عندي تلت صبيان وبنت وواحد رد عليا في مرة، وقال ما انتي اللي زيك يجيب صبيان وبعدها التليفون جه بوفاة ابني، وكان عنده 18 سنة في كلية تجارة وراح وأنا مش بحب حد يكلمني عن ولادي ولا بحب أنزل صور لولادي».
واستطردت: «الحسد مذكور في القرآن وكنت مش عارفة في الأول وفرحانة بولادي، لكن بدعي ربنا ميوجعنيش تاني ولا يوجعهم لأن دي أصعب حاجة ممكن تمر الوحدة بيها».
وتابعت: «أنا بعتبر حياتي مش ملكي هي ملك ولادي وأي كلمة هقولها لازم أقول الله أكبر لأني خايفة من البصة عشان ولادي، لكن اتصابت».
وكشفت: «الشخص اللي حسد ابني كان معايا في مسرح، وتوفى، وفيفي عبده كانت موجودة، ولما سمعت الشخص ده بيتكلم عن ولادي بصتلي وحست إن ده كان هيحصل، وأنا مكنتش أعرف أن الشخص ده عينه وحشة».
