فريدة سيف النصر تؤكد أن شيرين معمولها سحر
نشرت الفنانة القديرة فريدة سيف النصر تعليقًا عبر صفحتها على موقع التواصل الاجتماعى "فيس بوك" عن أزمة عودة شيرين عبد الوهاب وحسام حبيب.
وقالت "سيف النصر": "احذروا.. فرحت جدًا، قرأت حاجه مهمه شيرين كانت بتقول ..معمول لها سحر.. اه ممكن جداً.. المكتوب بيقول بيقدروا وبيجننوا ناس بيه كمان ويمرضوهم ويجعلوهم مسلوبين الاراده.. ومنهم يشتغل كتير وماديات وربنا سايبهم علشان يصدقوا نفسهم.. فايفتكروه راضي.. وفجاه ينقلب السحر على الساحر.. هو ربنا كده مابيسيبش بس بيدي فرصه يمكن ترجع أو تتوب.. والقلبه وحشه.. ماتفهميش ازاي كله ضاع، هو كده والمصيبه ماتقدرش خلاص تقول يارب.. لأن حديث قدسي رب العزه قال من إتكل علي شي غير الله ٱكاله الله عليه، خلصت انت توكلت علي غيري ماتجيش تاني تقول يارب ده شرك بالله".
وأضافت الفنانة القديرة: "وقرأت أنهم بينضربوا في صحتهم.. في رجليهم اللي راحت لعمل العمل وأيديهم ونظرهم.. ارجعوا كده لقصص الدجالين معظمهم مات ازاي.. الوعد الإلهي لهم الفقر لو بعد حين مهما كسبوا.. حقك وحق اي مأذي هايرجع بقوة الله.. وكل اللي متكل علي شي غير الله.. ضاع عاجلًا ام أجلًا.. عالم خايبه".
كانت الفنانة شيرين عبد الوهاب أعلنت عن عودتها للفنان حسام حبيب رسميا، وعقد قرانهما يوم الخميس الماضي بحضور المقربين منهما فقط.
قالت “عبد الوهاب” خلال تصريحات تليفزيونية، أنه كان من المقرر عقد قرانهما اليوم السبت، لكن أصر “حبيب” على عقد القران في أسرع وقت ووافقته هي الرأي، معلقة: “قولتله خلاص اللي تشوفه يا سي حسام”.
أضافت: “أنا بعتذر لحسام عن أي كلام صدر مني وأنا زعلانة منه في يوم من الأيام، إحنا كنا معمولنا حاجة كبيرة أوي والحمدلله ربنا فكها بسلام.. ومقدرش أقول إنها عمل بس حاجة شبه كده، لأن أنا أصغر من إني أتكلم في حاجة زي دي بس هي ذكرت في القرآن”.
