بيلعب مع كلبه.. رامي إمام يكشف كواليس جديدة عن حياة الزعيم
ردَّ المخرج رامي إمام على الشائعات التي ترددت الفترة الأخيرة حول إصابة والده الزعيم عادل إمام بمرض الزهايمر، موضحًا "اتعودنا على كثرة الشائعات عن عادل إمام من زمان جدًّا، وأصبحت جزءًا من حياتنا حتى أنا ومحمد وسارة اتعودنا عليها من صغرنا".
وأوضح رامى إمام خلال تصريحات تليفزيونية: "عادل إمام زي الفل وبيستمتع بحياته مع أولاده وأحفاده، وبيقول لي هات لي موضوع بس يكون عاجبني ويناسبني، ومش هيعمل حاجة إلا لما يكون مقتنعًا بها".
وأضاف: "عادل إمام قال لي أنا عملت كل حاجة في الحياة، ومش هشتغل حاجة إلا لو كانت مهمة ومختلفة وأقتنع بيها، ولحد النهاردة بتكلم معاه على شغل وأنا مدرك إن صعب جدًّا أني انتقى موضوعًا للزعيم"، لافتًا: "من شهرين قال لي نفسي يكون عندي كلب فجيبنا له كلب صغير وقاعد بيلعب معاه ومبسوط بيه، وهو مستمتع بحياته جدًّا".
وأردف: "عادل إمام ماشفناش في حياته كتير بسبب ارتباطاته بالتصوير، وأمي شالت وشافت كتير، ومن حقه يقعد يستمتع بحياته مع أولاده وأحفاده، وينتقي الموضوع الفني اللي يشارك فيه"، مشيرًا إلى أن: "عادل إمام بيتابع كل حاجة بتحصل، ولحد دلوقتي بيقرأ كل الجرائد، وبيحل الكلمات المتقاطعة بالقلم الفلوماستر".
وأكد: "فكرة فيلم "الواد وأبوه" جاءت لما الزعيم قال أنا عايز أعمل فيلم مع محمد إمام ولكن الفكرة لم يحدث فيها تطور لترتقى أنها تتنفذ"، لافتًا: "الزعيم عادل إمام عمل حوالي 155 فيلما، وكلهم علامات، ومن 2010 إلى 2020 مسلسلات، وهي مهلكة لأي فنان".
