دليل” أنا حوا” لتصبحي ملكة مطبخك.. نصائح ذهبية
كلنا نقضي وقتا طويلا من عمرنا في المطبخ، نرتب وننظف ونطبخ ونأكل. إليك
دليل" أنا حوا" لتصبحي ملكة مطبخك. هذا الدليل هو سلسلة من النصائح التي تساعدك على إدارة مطبخك بمهارة وإتقان. في المقال السابق، نصائح عن تنظيم المطبخ، أما في هذا المقال نقدم لك نصائح عن التخطيط للوجبات بما يناسبك ويناسب ظروفك.
- لاتضعى الليمون على رخام المطبخ مباشرة لأنه هييتسسب فى بقع بيضا على الرخامة كمان البرتقال والخل أى شى حمضي.
- طبعا احنا بنقضى ساعات طويلة فى المطبخ مفيش مانع إنك تزينى المطبخ علشان يفتح نفسك حتى ولو كان بفازة صغيرة أو اكسسوارات للمطبخ زى شوكة أو فواكه.
- لو عندك معالق كتير شليها فورا وضعى فى الصفاية اللي محتاجاه فقط.
- حاجة عايزة أقول لكم عليها ممكن ساعات المية تقطع فجأة ويكون حد فى الحمام أو عايزة تعملى حاجة ضرورى لازم تحتفظى بجركن ماء وخصوصا لو عندك أطفال.
- لو تلاجتك فى المطبخ غطيها من فوق بمشمع أو فويل علشان متزييتش ويصعب تنظفها.
- من الحاجات اللى بتعمل فوضى فى المطبخ الأكياس البلاستك أى كيس غير نضيف تخلصى منه فورا لأن وجوده بيساعد على وجود الحشرات.
- لو فى أكياس نظيفة مفيش مانع تحتفظى بيها بعد ما تطبقيها كويس وتشليها فى كيس كبير أو علبة أو درج.
- أنا بحتفظ بأطباق الفويل بتكون فيها الجبن لو نظيفة ( يعنى ميكنش فيها لحوم وفيها دم ) أطباق الجبن الحلاوة أغسلها وأنشفها واضعها فى داخل بعضها وكيس بلاستك علشان متعملش فوضى واستخدمها لما أتبل لحوم أو بانيه أو كفتة.
- فى بعض الأشياء مثل البقسماط أو الردة أو الفريك بتسوس لو اتخزنت حتى وإن كان وقت قصير بضعها فى برطمان واحفظها فى الثلاجة.
- أما بالنسبة لـ مريلة المطبخ لازم المريلة طبعا لكي تحمى هدومك بنصحك إنك تشترى مريلة شيك وجميلة لأنك بتقضى بيها وقت طويل وممكن زوجك يشوفك بيها لا مش ممكن دة اكيد فلازم تكونى جذابة حتى فى المريلة.
