حرقت عضوه الذكري.. ملابسات اتهام سيدة بتعذيب ابن زوجها بالقليوبية
اتهم أحد الأشخاص بشبين القناطر التابعة لمحافظة القليوبية، زوجته بالتعدي على نجله وتعذيبه بطريقة بشعة داخل المنزل، وإصابته في منطقة عورته، وحرقه بالرقبة وفمه وأظافره بحسب تقرير مستشفى الحسين الجامعي.
وقال والد الطفل ضحية التعذيب، أمام جهات التحقيقات: "لما رجعت من الشغل مالقتش ابني في البيت، ولما سألت قالت لي مراتي أنه عند أمها اللي هي حماتي وهيبات عندها، فطلبت منها تجيبه، فراحت جابته فعلا ولقيت وشه وارم جامد فبسأله معرفش يرد بسبب الورم".
وتابع والد الطفل: "بقولها مين اللي عمل فيه كده قالت لي هو أكل ملح طعام وهو اللي عمل فيه كده، فأنا أخدته وجريت على دكتور في شبين القناطر وكان معانا حماتي، والدكتور حولنا على مستشفى الحسين الجامعي علشان أبني فيه حاجة مش طبيعية بخصوص الورم".
وأكمل والد الطفل الذي تعرض لواقعة تعذيب أمام جهات التحقيق: "لما ذهبنا لمستشفى الحسين الجامعي وهناك أتعلق له محاليل وعملوا له تحاليل وإشاعات وظهر الدكاترة إن ابني فيه إصابات في الأظافر في أيده الاثنان وأظافر رجله الاثنان وحرق في عضوه الذكرى وحرق في ختمه من ورا وحرق في رقبته من الناحيتين وحرق من فمه من الخارج والداخل ولما سألنا أبني مين اللي عمل فيك كده قالي إن حماتي وبنتها اللي هي مراتي التانية، وهي مش أم أبني ده لأني لسه متجوزها من أربع شهور وأم أبني ده أنا مطلقها ومش معانا هما اللي عملوا فيه كل ده".
وتعود تفاصيل الواقعة عندما تلقت الأجهزة الأمنية بمديرية أمن القليوبية، بلاغًا من شخص يتهم زوجته ووالدتها بتعذيب ابنه بشكل مأساوي وحرقه بفمه ورقبته ومناطق حساسة في جسده، على الفور تم القبض المتهمين وتحرير محضر بالواقعة واتخاذ الإجراءات القانونية حيال الواقعة.
