تفاصيل اعترافات زوج الأم المتهم بتصوير بنت زوجته بالحمام في المطرية
أحالت نيابة جنوب القاهرة المتهم بتصوير ابنة زوجته للمحاكمة الجنائية لاتهامه بهتك عرض المجني عليها بالقوة بأن اختلس النظر إليها وهي عارية حال استحمامها بحمام مسكنه وارتكب الفعل المؤثم بأن التقط من جهازه المحمول صورا للمجني عليها في مكان خاص مقام مسكنه.
أصر المتهم بتصوير بنت زوجته على إنكار الاتهامات خلال التحقيقات وجاءت أقواله كالآتي..
-ما قولك فيما هو منسوب إليك من انك متهم بهتك عرض المجنى عليها بأن قمت بتصويرها عارية حال استحمامها خلسة دون رضاها على النحو المبين بالتحقيق آت.
.. محصلش.
- ما قولك فيما هو منسوب إليك من انك متهم بالتقاط صورة المجني عليها عن طريق جهاز الهاتف المحمول خاصتك وكان ذلك في مكان خاص بها على النحو المبين بالتحقيقات ؟
.. محصلش.
- ما الذي حدث اذًا وما هي ظروف ضبطك و عرضك علينا؟
.. اللي حصل اني متجوز مراتي دي من ٢٠ سنة وهي عندها 6 بنات وولدين من جوزها المتوفي ومن فترة كده كنا اتخانقنا ورفعت قضية خلع وبعدين رجعنا تاني وكل ده من زن بناتها عشان هما مش عايزيني أورث معاهم عشان هي عندها عمارتين وارض في أبوزعبل عشان كده بنتها بتتبلي عليا وبعدين تليفوني ده انا ببقي سايبه معاها بتكلم جوزها على النت اللي مسافر الامارات وانا معرفش الفيديو ده اتصور ازاي هو فعلا كان موجود وابني ورهوني وبعدين مسحه.. ده اللي حصل .
- متى وأين حدث ذلك؟
.. الكلام ده حصل من حوالي اسبوع بشارع ابراهيم صقر المطرية.
- من كان برفقتك آنذاك؟
.. ابني وأولادها كانوا موجودين في البيت.
- ما مناسبة تواجدك بالزمان والمكان سالفي الذكر ؟
.. ده بيتي وهي بتيجي تزور امها وتقعد معاها كام يوم.
- ومن القائم بضبطك تحديدا و ما عددهم وأسماؤهم؟
.. هما بنات مراتي اتلموا عليا وضربوني في الشارع وبعدين الناس اتلمت وطلبوا الشرطة.
-وهل وقفت على سبب ضبطك تحديدا ؟
.. عشان هي بنت مراتي بتتبلى عليا.
-هل قام احد بتفتيشك ؟
.. أيوه .
-وما الذي أسفر عنه ذلك التفتيش ؟
.. ما لقيوش معايا حاجه هو خد تليفوني بس ملقاش عليه حاجة ورجعهولي .
-وما هي صلتك بالمجنى عليها؟
.. هي بنت مراتي .
- وهل من ثمة خلافات سابقة فيما بينكما؟
.. هما عايزيني اطلق أمهم عشان الورث.
- ما قولك فيما قررته سالفة الذكر استدلالا وكذا ما شهدت به
بتحقيقات النيابه العامه ( تلوناه عليه تفصيلا )؟
.. الكلام ده مش مضبوط ومحصلش .
- وما تعليلك لما قررته سالفة الذكر؟
.. علشان هي عاوزانی اطلق أمها.
- هل تم ضبطك بثمة قضايا مماثلة ؟
.. لا.
- هل لديك سوابق جنائية؟
.. لأ .
-هل لديك اسم شهرة ؟
.. لا .
- أنت متهم بهتك عرض المجنى عليها بأن قمت بتصويرها عارية حال
استحمامها خلسة دون رضاها على النحو المبين بالتحقيقات ؟
.. محصلش .
-أنت متهم بالتقاط صورة المجني عليها عن طريق جهاز الهاتف المحمول
خاصتك وكان ذلك في مكان خاص بها على النحو المبين بالتحقيقات ؟
.. محصلش .
- هل لديك أقوال أخرى ؟
.. لا.
