اللي بيحصل ده أبتزاز.. أول رد من حسام حبيب على اتهامات شيرين عبد الوهاب
في رد فعل سريع علي تصريحات المطربة شيرين عبد الوهاب، علق المطرب حسام حبيب، على تصريحات الفنانة شيرين عبد الوهاب بعد مكالمتها الهاتفية في برنامج "كلمة أخيرة" مع الإعلامية لميس الحديدي، حيث أكد أنه سيتخذ إجراءات قانونية ضدها.
وأكد المطرب حسام حبيب في تصريحات تلفزيونية قائلا: "هيكون في إجراء قانوني وطبعا عمري ما دافعت عن نفسي وعمري ما اتكلمت لكن الكلام اللي هرد بيه مسندات وليس مرسل.
وأضاف:" اللي بيحصل ده أبتزاز عشان أسمع الكلام، دايما بتهدد بجمهورها وانا دلوقتي هرد في الإعلام ولكن بظبط ازاى هطلع أقول كل حاجه بالمستندات".
كشفت الفنانة شيرين عبدالوهاب، عن كواليس فترة زواجها من المطرب حسام حبيب، حيث قالت خلال تصريحات تلفزيونية: " اطلقنا طلاقًا لما قصيت شعري، وبعد ما هديت من الكارثة اللي حصلت قررت إني عديله فرصة تانية.
وأضافت “في فجر خصومة في العلاقات ومكنش ينفع يحصل كدة، أنا كنت بحبه وبعتبره إبنى مش جوزى، اهتمت بيه وعملت استوديو علشان شغلنا يتعمل فيه.
وتابعت:" أنا حفاظا عليها وعلي سمعتها مكنتش بتكلم ولكن هتكلم الكلام بقي زيادة، هتكلم كلام بحقايق لاني مبعرفش افتري على حد".
نفت شيرين استفادة حسام حبيب منها ماديا، وردت على أسئلة متابعيها عبر حسابها في" إنستجرام ".
قالت شيرين: "بصراحة حق الله، حسام عمره ما أخد مني فلوس ولا استفاد مني ماديا، بل بالعكس تماما، أنا ماعرفتش أحوش فلوس لي غير لما اتجوزت حسام، عشان كان بعكس اللي بيتقال تماما".
وفي شهر مايو الماضي، أقدمت الفنانة شيرين عبد الوهاب إلى تحرير محضر ضد زوجها الفنان حسام حبيب، حيث اتهمت حسام بأنه تهجم عليها هي وإحدى بناتها في منزلها بمنطقة الشيخ زايد، وألقت الشرطة القبض على حسام حبيب الذي عثر معه على سلاح ناري منتهي الترخيص، وتم التحفظ عليه، حتى تم الإفراج عنه بكفالة".
