”مش هقول كلام يسئ لحد أنا عندي بنات ربنا يرحم نيرة”.. أول تعليق من والدة المتهم بقتل طالبة المنصورة

بعد مرور وقت ليس بقليل على حادث قتل الطالب محمد عادل لزميلته نيرة أشرف المعروفين إعلاميا بطلاب المنصورة،صرحت والدة الطالب محمد عادل قاتل الطالبه نيرة أشرف،في أول تصريح صحفي لوالدة الشاب محمد عادل بعد إن إستفاقت من غيبوبتها قائلا: "محمد يتيم أبوه اتوفي وهو عنده 6 سنين وملحقش يشوفه ولا يقعد معاه،كان طيب وفي حاله وما بيكلمش حد حتى في منطقتنا لدرجه إنه مكنش ليه أصحاب".

وأضافت والدة القاتل: "كنت دايمآ باقوله صاحب الناس يا محمد وأتكلم معاهم، لكن في الجامعه شاف نيرة و أتعلق بيها ولما عرفت قلتله بلاش يا أبني وخليك في دراستك".

وتبابع والدة محمد عادل: "كنت خايفة عليه لإنه طول عمره كان متفوق وشاطر وبيطلع من الأوائل على دفعته، في الأول سمع الكلام وبعد عنها بس بعد كده رجع يكلمها تاني".

واستكملت حديثها "كان دايما بيني وبينه خناقات ومشاكل بسبب الموضوع ده بس صمم علي الـ في دماغه و فضل يكلمها وياما وياما شوفنا مشاكل بسبب الموضوع ده ومحمد سلوكه أتغير خالص مبقاش محمد الـ أعرفه".

وتابعت والدة قاتل نيرة أشرف:"كنت بقوله يا بني الناس دي مش شبهنا قال ليا يا ماما أنا بحبها".

كما قالت: "أنا مش عاوز أقول كلام يسيء لحد أنا عندي بنات وربنا يرحمها وينجي أبني".

وأكدت : "أنها لا تعرف شئ عن عرض دية تصل إلي 5 مليون جنيه علي أسرة نيرة أشرف ، إحنا معندناش غير ستر ربنا هنجيب مليون ولا خمسه من فين؟".

وتمنت والدة محمد عادل "أنها نفسها تشوفه مؤكدة إن من يوم ما حصل الـ حصل لا شفته ولا أعرف حاجه عنه،كل الناس زعلانه من محمد بس ده أبني يا ناس أنا أعمل إيه".

واختتمت حديثها: "أنا راضيه بقضاء الله وقدره"