أحمد سعد عن الوشم: ”الشعب المصري متدين بفطرته”
كشف المطرب أحمد سعد، في إحدى البرامج التليفزيونية، عن حقيقة الوشم، قائلا: "كان عندي جرح كبير في ذراعي وخياطه، والناس كانت بتسأل دائما عن التشوهات اللي ف ايدي"، متابعا: "عملت الوشم علشان يداري الحاجات دي".
وأوضح أحمد سعد: "وأنا في العمرة في السعودية الناس سابوا كل حاجه ومسكوا في الوشم، وإحنا عندنا 99% من الشعب المصري أزهري بطبيعته وعلى فطرته".
ولفت أحمد سعد: "فكرت اني اتصور واحط على الصورة دعاء مهم بصوتي، لأني بتصور في الحفلات كتير، قولت ليه متصورش أثناء تأدية الفريضة"، مردفا: "احنابنأدي فرض ربنا ونتبسط زي أي حد".
واختتم أحمد سعد حديثه قائلًا: "الناس سابت كل حاجه ومسكت في الوشم، ولقيت اللي بيقول يا كافر وناس بتشتم وتهاجم، وقالوا على السبحة انسيال"، لافتا: "مشكلتنا الكبيرة إننا بنبص على بعض ومش باصين على نفسنا، دا فيه واحد مصري جري ورايا في الحرم علشان كنت لابس شبشب".
