اعترافات خطيرة لمساعد المستريح: النصاب طلب 45 مليون عشان يرجع 60 مليار وأنا ضحية زي الناس

كشف مستريح السباعية بمحافظة أسوان، الشهير بـ"طمبوشة"، خلال مقطع فيديو متداول عبر موقع التواصل الاجتماعى "فيس بوك"، أن أحد الأشخاص عرض عليه شغل مستريح وأخد منه بطاقته، وعند السؤال عن أموال الناس كان رده: "الفلوس جايه بكرة، لكنه كان منتظر يجمع الفلوس كلها ويهرب".

وأضاف "طمبوشة" خلال الفيديو: "اشتغلت يوم 31 في الشهر اللي فات، وتم القبض عليا يوم 10 الشهر دا في محافظة المنيا، وبعدها تلقيت اتصالًا هاتفيًا من النصاب، كلمني وعرض عليا إنه عايز 45 مليون جنيه، علشان يقدر يرجع 60 مليار جنيه، بعدها جمعت بعض الفلوس ورحت له نصب عليا في الفلوس كلها.

وأوضح مستريح السباعية أنه لم يكتشف الموضوع إلا بعد فوات الأوان، بأنه كان يتعامل مع مجموعة نصابين، مؤكدًا: "أنا صاحب مرض، ولم أعرف طعم الأكل أو الشرب بعد الكارثة التي حدثت لي بالنصب على الناس الغلابة".

وأشار مستريح السباعية إلى أن بداية عمله مع النصاب عرض عليه قطعة أرض عند المستشفى بمنطقة السباعية، لافتًا: قالي هيبعتلي 2 مليون جنيه كبداية أول شغل، ومبعتش حاجة وفضلت مستنيه لحد ما جمع فلوس الناس الغلابة ومشي.

وناشد مستريح السباعية الجميع بأن يقف بجانبه، من أجل عودة أموال الناس إليهم مرة أخرى، موضحًا أنه لم يترك منزله المتواجد به.