سهير صقر تكتب.. كلمتين وبس
الرجولة مش صوت عالي وإعطاء أوامر ونواهي دون وعي و احتواء .
الرجولة مش استعراض عضلات عل الضعيف ولا تطاول بالأيدي ولا بالألفاظ ولا بأهانة الآخرين .
الرجولة مش التخلي عن دورك ومسؤليتك وترمي بالحمولة كلها عل الآخرين .
الرجولة مش أنك تأخد حقك كاملا في الحرية وتفرض قيود صارمة عل غيرك .
الرجولة مش نصايح وشعارات . الرجولة مش كلام بدون أفعال .
الرجولة مش أخلاق في الظاهر وندالة في الخفاء.
الرجولة مش التمادي في الخطأ وعدم الاعتراف به وشايف دايما أنك صح ومبتغلطش.
الرجولة مش أنك تعاند في أهل بيتك علشان تكون مسيطر والكلمة كلمتك .
الرجولة مش تجافي وقسوة ولا أهمال وعدم اهتمام .
الرجولة مش أنك تكون سي السيد وهي تكون الست أمينة .
عفوا فهذه ليست صفات الرجال وإنما هي أشباه الرجال .
