عبير الشرقاوي توضح سبب انتقادها لمسلسل «بطلوع الروح»
قامت الفنانة المعتزلة عبير الشرقاوي، ابنه المخرج الراحل جلال الشرقاوي، بتوضيح وجهة نظرها حول انتقادها لمسلسل «بطلوع الروح»، في الساعات الماضية.
ونشرت الفنانة عبير الشرقاوي منشورًا عبر حسابها الشخصي على موقع التواصل الاجتماعي «فيسبوك»: «للى مفهمش كلامى أو مش عايز يفهمه علشان يرقص شوية في التريند».
وتابعت: «داعش فئة ضالة مضلله ولكن أغلبهم لا يعتقدون ذلك في أنفسهم بل يعتقدون أنهم مسلمون حق وعندما يقتلون يظنون أنهم يقتلون في سبيل الله وإن ثوابهم على هدا القتل هو الجنة وهنا تكمن المشكلة لأن عندهم إعتقاد إن إللى بيعملوه ده دين الحق وعشان كده هما خطرين جدآ جدآ على أي مجتمع يعيشون فيه».
وقامت عبير الشرقاوي بانتقاد طاقم عمل مسلسل «بطلوع الروح» في الساعات الماضية، بسبب مشاهد أحداث المسلسل للجماعة الإرهابية داعش.
وكتبت منشور خلال حسابها الرسمي على «فيسبوك»: «أسرة مسلسل الهبل بطلوع الروح التناول غبى مش معقولة نطلع الناس بتوع داعش خاينين وبيرتشوا وبيشربوا خمرة دول ناس بيعتبروا نفسهم مجاهدين في سبيل الله ومستعدين للموت في أي لحظة إحنا عارفين إنهم على باطل آه بس هما مش عارفين هما بيعتبروا نفسهم المسلم الحق وأي حد جانبهم مسلم ناقص فمش معقولة نطلعهم بيشربوا خمرة إيه الهبل ده».
واكملت «بقى معقولة البطل إللى بيعتبر نفسه مجاهد عنده غزوة تانى يوم وممكن يتقتل وهو عارف كده يروح يجيب خمرة ويشرب هو ومراته. إرحموووووونا يا هبل خسارة الفلوس والله».
ومسلسل «بطلوع» الروح بطولة إلهام شاهين، منة شلبي، أحمد السعدني، ويعرض على شاشات التليفزيون يوميًا بداية من النصف الثاني ف رمضان.
