حارس الأهلى: الجمهور قالي خرم أفريقيا أهو

قال شريف إكرامي، لاعب نادي بيراميدز، إنه ليس لديه هوس بأن يكون نجله ياسين لاعب كرة قدم، لافتًا إلى أنه هو من أخذ قرار بمغادرة ابنه للنادي الأهلي، ليضع لمستقبله خطة جديدة.

أوضح “إكرامي” خلال تصريحات تليفزيونية، أن آخر زيارة له للنادي الأهلي كانت منذ 6 أو 7 شهور، وكان يشاهد مباراة لابنه ياسين، لافتًا إلى أنه من الممكن أن يذهب لزيارة النادي الأهلي في أي وقت.

وأوضح: “أنا اللي خدت قرار أن ياسين يخرج من النادي الأهلي، لأنه مكنش بيعلب، وأنا كنت عايز أعمله خطة تانية تفيده أكتر، أنا معنديش هوس أن ابني يطلع لعيب كورة، وكنت حريص دايمًا أتكلم معاه وقولت له مهم أوي أن متديش حجم كبير لكلام الناس”.

أضاف: “في لعيبة لما بتحس أن في حاجة جماهيرية ضدها بتقفل حسابتهم، وبتقفل التعليقات، مش عايزين يسمعوا الكلام، أنا سايب كل حاجة مش عشان أنا مش فارق معايا، في جزء منه أن الجمهور ممكن يبقى غضبان بشكل معين، فالجمهور ده ياما شجع، فأنا مستحيل أخد موقف فجأة”.

أردف: “زي ما جمهور الأهلي في ماتش بيراميدز الأخير، لما هاجمني في الآخر قولت له أنت على رأسي، ياما شجعني فمفيش مشكلة لو في وقت ما جزء ما واصل له انطباع معين.. في ماتش بيراميدز قالوا لي الولا ولا أهو خرم أفريقيا أهو، وأكيد زعلت في الآخر ده جمهور النادي بتاعي، وأنا كنت متوقع أن هيحصل غضب في المدرجات”.