مطعم شهير يمنع امرأة وطفلتها من تناول الطعام إلا بعد أذان المغرب

أثار منشور لسيدة مسيحية تُدعي سلفيا بطرس جدل رواد مواقع التواصل الاجتماعي والذي كشف رفض إدارة مطعم كشري شهير في القاهرة تقديم وجبتيّ طعام لها ولطفلتها إلا بعد أذان المغرب.

وقالت "بطرس" عبر منشورها على موقع التواصل الاجتماعي "فيس بوك": “نزلت النهارده جبت بنتي من الحضانة، كان عندها تمرين روحنا جري على هناك وباباها خلص شغله وعدى علينا، بعدما خلصنا بنتي قالت أنا جعانه، قولنا فرصه واحنا بره نعدي ناكل أي حاجه، وبما اننا صايمين وجدنا أحد مطاعم الكشري فاتح وشغالين قولنا ناكل ونروح، قعدنا وطلبنا وجه الأكل، ويادوب البنت بتاكل أول معلقه لقينا واحد من العاملين جاي بيقول ممنوع الأكل قبل المغرب”.

وتساءلت "سيلفا" مع أحد العاملين: "مش ده مطعم ومفتوح والناس قاعده، ليرد العامل: اه الناس تقعد بس محدش ياكل قبل الآذان. لترد سيلفا: انت صايم ومستني الآذان براحتك أنا مش صايمه للمغرب وقاعدة في مطعم والأكل قدامي ازاي ماكلش، ليرد العامل: هو ده النظام.

وتابعت: ولقينا واحد تاني جاي غالبًا مديره وبيكرر نفس الكلام، إحنا بقى مطلوب مننا نطلع معلقة الأكل من بق البنت ونقنعها إنها ماتاكلش في المطعم علشان فيه ناس قرروا يفرضوا ده على غيرهم، هل الصيام بالعافية حتى على المسيحيين؟ ولا هو علشان كتير الواحد بيراعي شعور اللي حواليه فبقى حق مكتسب ونتعاقب لو عملنا العادي أو بنتي جاعت واحنا في الشارع.