سكرتير عام «الموسيقيين» لـ«أنا حوا »: تقدمت ببلاغ للنائب العام ضد حمو بيكا
كشف سكرتير عام نقابة المهن الموسيقية أحمد رمضان، عن تقدمه ببلاغ إلى النائب العام اليوم الثلاثاء، ضد مؤدي المهرجانات حمو بيكا، بشأن المكالمة الهاتفية المسربة بين بيكا وشخص مجهول، يتهم خلالها أحد المسؤولين في نقابة المهن الموسيقية بالحصول على رشوة من أكثر من مطرب مهرجانات لقيده بنقابة الموسيقيين، من بينهم عنبة وتيخا.
وأضاف رمضان في تصريحات لـ«أنا حوا »: «أن مافعله حمو بيكا يعد ابتزازا، وأنا تقدمت ببلاغ للنائب العام، ضده»، قائلا: «ومش هستني تحقيقات النقابة، والنقابة مش طرف في هذه الواقعة لأن حمو بيكا ليس عضوًا بها».
يشار إلى أن تسريبات صوتية من مكالمة هاتفية جمعت حمو بيكا وشخصًا مجهولا، اتهم خلالها مؤدي المهرجانات أحد المسؤولين في نقابة المهن الموسيقية بالحصول على رشوة من أكثر من مطرب مهرجانات من أجل قيده بالنقابة.
وقال حمو بيكا في التسريب، موجهًا حديثه لشخص مجهول عن الموسيقار المقصود: «طالع في فيديو بيقول عنبة مقدم ورق مزور وشهادة جيش مزورة، وبعدها بأسبوع إداله كارنيه النقابة، ومعايا فيديو وصور وهو متصور في مكتبه وبيديله الكارنيه».
وأضاف: «معايا نور التوت عايزين يدفعوه 20 ألفًا، وتيخا دافع 20 ألفًا»، وردًا على سؤال الشخص الذي يحدثه عن كيفية معرفته بهذا الحديث أفاد: «إسلام على دافع الفلوس أول ما أحد الكارنيه قاللي أنا رايح أدفع للنقابة 15 ألف جنيه، وعاوزينه يجدد تاني يدفع 15 ألف جنيه تاني، وما أخدش إيصالا بالفلوس اللي دفعها».
وتابع: «أنا اشتغلت 15 أو 16 أوردر في الساحل كنت بدفع إيصالات، الناس دي ما ادتنيش ولا إيصال، كنت بدفع 15 ألف جنيه، وكانوا بيبعتوا زينهم علطول يحصل الفلوس، وكان بياخد الفلوس مني أنا ساعات، ومن المحل اللي هغني فيه ساعات، ما كنتش بطلع ياريس غير لما المحل يدفع الفلوس، يا إما أنا أدفع الفلوس، والإيصال المفروض يجي للمطرب مش للمحل».
وواصل: «إذا كان أنا اللي كنت بقوله أنا شغال في الحتة الفلانية، يقوللي هات الفلوس قبل ما تطلع، أكلم الناس أقولهم أدوله الفلوس، مش عايز يطلعني لما ياخد الفلوس، ولما جه حلمي قاله هات الإيصالات قاله هبعتهالك وبعد كده مابعتلوش حاجة، ونزلوني أوردرين، أورد في القاهرة وأوردر في الإسكندرية وماخدتش فيهم أجري».
وعن عضو النقابة الذي يتهمه حمو بيكا بتقاضى الرشوة أوضح في المكالمة: «خلاني روحت مضيت على عقد بتاع فيلم مكتوب في العقد إن المفروض آخد نص المبلغ 250 ألف وما أخدتش ولا جنيه، وأخدني وداني البيت بيتك، تمثيلية البيت بيتك دي، صورت فيها وعملت فيها كل حاجه وما أخدتش برضه أجري».
وردًا على سؤال من يهاتفه إن كان الأجر دفعته جهة الإنتاج أم لا قال: «أيوه الأجر اتاخد آه، الناس كانوا عاطيينه ظرفًا، عطاني من الظرف ده 10 آلاف جنيه بس، وأنا أجري 70 ألف جنيه، وجم صوروا عندي في الاستوديو».
