استشاري نفسي: تركيبة الاسترونج إندبندنت وومن ”مسترجلة“
قال الدكتور محمد المهدي، أستاذ الطب النفسي بجامعة الأزهر الشريف، إن الزواج يعطي للمرأة دعم نفسى ودعم إجتماعي ودعم عائلي، الزواج يعطي المرأة إحساس بذاتها، فخر وسط الناس، إنها مطلوبة، إن حد جري ورايا، إن حد دفع لي مهر وجهز لي شقة وعمل لي فرح، ولبست فستان الفرح".
وأضاف "المهدي" خلال تصريحات تليفزيونية، "البنت بتقعد كذا سنة تجيلي العيادة، وأول ما تنقطع أعرف علي طول من بره انها اتجوزت، إنقطعت تمامًا معدتش تحتاجني، انما طول ما هي مكانتش متجوزة، بتبقي الشماته فيها وكلمات التريقة وساعات الشفقة كل ما تروح في حته، وبتبقي كلمات الصعبنة وكلمات الشفقة والشماته قاعدة تقطع في جسمها لحد ما تتجوز".
اقرأ أيضاً
وتابع، "أنا بشوف إن الاسترونج اندبندت وومن ده نموذج مرضي، هي بتتباهي انها سترونج واندبندت وانها مكتملة، وإنها مش محتاجة حد، ولكنها بتمثل علينا، انها سترونج اندبندت وومن، أو هي واحدة مسترجلة، التركيبة النفسية بتاعتها مسترجلة أو ذكورية".
واختتم: “المرأة عاملة زي الخضار وهو لسه في حالة نضّارة وطزاجة، بعد شوية لما تسيب الخضار ده حيتأثر مع السن".
