في ظهوره الأول بعد عودته.. مرتضى منصور: بالنسبة للناشئين اللي أمه وحشة برضو هيلعب

وصل منذ قليل المستشار مرتضى منصور رئيس مجلس إدارة نادي الزمالك إلى مقر القلعة البيضاء، لمباشرة عمل المجلس بعد قرار عودته وإنهاء عمل اللجنة المؤقتة.

وقال المستشار مرتضى منصور: "في غيابي اللي أمه حلوة في الناشئين كان بيلعب.. بس من النهاردة اللي أمه وحشة كمان هيلعب".

وتابع "منصور" خلال مؤتمر صحفي داخل مقر النادي: "أنا مش راجع أصفي حسابات.. أنا بصفي وساخات.. وهصفي الوساخات كلها.. دا في واحد غير 3 مدربين عشان ابنه يلعب.. الكلام ده مش هيحصل في عهد مرتضى منصور، واللي مش عجبه يشرب من الخرارة".

وهاجم رئيس نادي الزمالك، أحمد حسام ميدو نجم الفريق السابق، قائلًا: "والنبي يا أستاذ ميدو أنا عايز أسألك أنت بالذات، هو مرتضى منصور مش رمز للنادي ولا هو شغال ايه؟.. مش أنت اللي طلعت في برنامجك وقولت يستاهل اللي بيحصله عشان اتخانق مع النادي الأهلي واللجنة الأولمبية".

وشهد وصول المستشار مرتضى منصور إلى مقر نادي الزمالك استقبالًا حافلًا من أعضاء الجمعية العمومية والفرق الرياضية بالنادي والسيدات اللاتي هتفن «العو أهو» و«الأسد أهو» وسط «الزغاريد».