هانى شاكر: عقاب كبير ينتظر عمر كمال بعد التحقيق معه

قال الفنان هانى شاكر، نقيب المهن الموسيقية، إنه من واجبنا أن نتحرك ضد أى إساءة لمصر، متابعًا:" كلنا استفزنا كلام عمر كمال، واحنا مش بس بنتحرك علشان ولادنا.. احنا بنتكلم عن أبناء الأمة العربية كلها، وكل الأراضى العربية طاهرة ومقدسة.. أمال احنا بنضحى بولادنا ليه؟".

وأضاف "شاكر" خلال تصريحات تليفزيونية موجهًا كلامه لعمر كمال: لما أنت عارف إن الكلام ده غلط، بتغنيه هنا فى مصر ليه؟.. واحنا نستنهض الدولة كلها إن تساعد النقابة في تقنين أوضاع الموسيقى في مصر فى إنتاج الأغانى والمسرحيات في مصر".

وتابع نقيب المهن الموسيقية: "أنا استغربت من جرأة عمر كمال، إنه يقول الكلام ده، والناس مش مصدقة اللى بيحصل ده، وتم إبلاغ عمر كمال بالتحقيق وهو جاى بكرة، وهيحضر التحقيق، وهيكون في عقاب كبير.. ولما نشوف اللجنة هتقول ايه.

وأردف "هناك مجموعة من الراب قدمت وبتاخد تصاريح وتوقع على إقرار للالتزام بالكلام، وهى محاولة مننا لاحتضان هذا اللون الجديد، والسيطرة على ما يحدث فى الساحة الفنية".