حرب السوشيال.. زوجة محمود علاء توجه رسالة نارية لابراهيم سعيد والأخير: «شغل نسوان»

شنت زوجة اللاعب محمود علاء مدافع نادي الزمالك هجومًا ناريًا على ابراهيم سعيد نجم الكرة المصرية السابق بسبب الانتقادات التي يوجها الأخير إلى زوجها بصفة مستمرة في الفترة الماضية.

وكتبت "إيمان" رسالة نارية عبر صفحتها على موقع التواصل الاجتماعي "إنستجرام": " ليا تعليق على واحد مريض مش وراه حاجة يعملها غير انه يكتب على تويتر كل ماتش مش قاعد شايف في الملعب غير محمود علاء مش شايف في الفرقة كلها غير محمود علاء كل ماتش".

وأضافت "عايزة اقولك على حاجة انت تاريخك اي اصلا جنب محمود ممكن نقارن بالأرقام كده ونشوف انت ايه وهو ايه عشان تتكلم عليه وتفضل محروق منه كده كل ماتش كل ده عشان رفض يكلمك في الموبايل وياخد رقمك ولا عشان عملك بلوك على تويتر فالموضوع بقى مرض نفسي بالنسبالك. وواصلت "تحب انزل صورتك اللي متصورها معاه وحاضنه كمان اتكلم على الفرقة كلها وأخطاء الفرقة كلها كفاية مرض نفسي وقرف بقي".

من جانبه رد الكابتن ابراهيم سعيد ردًا قاسيًا على زوجة محمود علاء حيث كتب على صفحته على موقع التواصل الاجتماعي " تويتر "، "أولا مش برد على نسوان ممشيه رجالتها، لان لو فيه راجل هعرف أرد عليه دا لو راجل أصلا والكلام كله كذب"، مضيفًا "أولًا انا لا اعرفه ولاعمري شوفته اصلا وشغل النسوان دا مش بحبه وشكلها الأمور متبدلة في البيت".

يُشار إلى أن الفريق الأول لكرة القدم بالنادي الأهلي حقق الفوز على نظيره الزمالك بخماسية مقابل ثلاثة أهداف في المباراة التي أقيمت بينهما باستاد القاهرة الدولي، في الجولة الثالثة لمسابقة الدوري الممتاز، ليرفع الفريق الأحمر رصيده إلى 9 نقاط يتصدر بهم مسابقة الدوري، في حين يتوقف رصيد الزمالك عند 6 نقاط يحتل بهم المركز الرابع.