بعد هجومه عليها.. ياسمين صبري تتحدث عن والدها لأول مرة: «فيه ناس بتختار نفسها»

تحدثت الفنانة ياسمين صبري عن علاقتها بوالدها، بعد انفصاله عن والدتها، قائلة: "جدتي وجدي لمامتي هما اللي ربوني، وجدتي ست شديدة، ومامتي كانت بطلة سباحة وخلوني أتدرب وألعب سباحة من وأنا عندي 4 سنين".

وأضافت "صبري" خلال تصريحات تليفزيونية: "ماكنش عندي رفاهية الوقت وكان فيه شدة والتزام عليّ بالذات في الرياضة ولو مكسبتش ممكن أضرب بالشبشب عادي، وطفولتي أنا بحبها، وعلاقتي بأمي هي كل حاجة في حياتي هي سافرت وحصل انفصال من وأنا عندي سنتين، مشفتش غير جدي وجدتي ".

وتابعت: "مفيش علاقة بوالدي وده مش بسبب الانفصال كل يوم الواحد بيبقاله اختيار وناس بتختار تكمل الطريق وتتحمل المسئولية وفيه ناس بتختار نفسها أو أيًا كان، والانفصال مش معناه العيلة تتفكك بالعكس ده بيبقى اختيار".

يذكر أن أخر أعمال الفنانة ياسمين صبري مسلسل "فرصة تانية" رمضان 2020، مع النجوم: أحمد مجدي، نهال عنبر، أيتن عامر، دياب، ومحمود البزاوي وغيرهم، معالجة دراما محمد سيد بشير وتأليف مصطفى جمال هاشم وإخراج ‏مرقس عادل وإنتاج شركة "سينرجي".