قصة العيش الفينو... بدأت من الاسكندرية ..

اصل حكاية العيش الفينو:

محدش فى العالم عنده عيش اسمه العيش الفينو غير الاسكندرانية.حتي فى القاهرةإسمه عيش افرنجى

الحدوته بدأت فى اسكندرية لما إفتتح الخواجه(فينو)بحي الإبراهيمية مخبز للعيش الافرنجى بطريقة مميزه وكذلك حلويات وجاتوهات ليصبح فيما بعد أشهر حلواني ومخبز بالإسكندرية بأشهر شوارعها هو شارع لاجيتيه .

كان فينو يتقن صنعته فعمل للاسكندرانية و الأجانب من سكان الإسكندرية عيش ليه طعم غريب الطعم حكاية لا يعلى عليه .

واصبح إسم فينو يعنى الفخامة والطعم المميز

فى صباح كل يوم كل اطفال اسكندرية اتربوا على العيش الفينو مش بس كده كان بيعمل جاتوه يناسب جميع الطبقات لدرجة أن جه وقت كانت عائلات الطبقة المتوسطة فى الإسكندرية تتفاخر بحجز العيش الفينو والجاتوه للافراح من عنده

مع الوقت ذاع صيت الخواجة فينو وإنتشر ، لدرجة أن العيش انتشر فى كل مخابز الإسكندرية وبقى اسمه عيش فينو لا افرنجى ولا اى اسم تاني وانتقلت ملكية المحلات إلى أحد العائلات الاسكندرانية المحترمة ومازالت تحتفظ بنفس الاسم القديم المتميز