زوجة لمحكمة الاسرة : عاوزني أشتغل فى الحرام
"مراتي رافضة تعيش معايا، وسابتني وسافرت، دى لازم تتربي"، بتلك الكلمات برر زوج دعواه بالنشوز ضد زوجته أمام محكمة الأسرة بروض الفرج.
وقال الزوج فى دعواه أمام محكمة الأسرة بروض الفرج: "متجوزين من ٣ سنين، والحياة كانت هادية لحد ما صاحبتها دخلت وسطنا، الحال اتغير وبدأت تتمرد عليها، ودايما بتهددني بالطلاق وإنها هتاخد حقوقها".
وتابع الزوج فى دعواه أمام محكمة الأسرة بروض الفرج: "عملت محاضر كتير ضدي ومعرفش سببها، وسابتني ورجعت مصر عند أهلها، من غير ما أعرف وصاحبتها ساعدتها تهرب".
وردت الزوجة على دعوى زوجها بالنشوز أمام محكمة الأسرة بروض الفرج: "اتجوزت صالونات ورضيت بعيشتي معاه، وبعد كام شهر جواز طلب نكتب طتابنا ونسافر، أهلي وافقوة، وافتكروه هيوفرلي حياة كويسة، لكن بعد جوازي اكتشفت العكس، واكتشفت إني مش الزوجة الأولى".
وتابعت الزوجة بردها على دعوى زوجها بالنشوز أمام محكمة الأسرة بروض الفرج: "بعد شهرين جواز بدأ يطلب منى طلبات غريبة، وبيقولى أدلع مع أصحابه، ولما رفضت قالى بصراحة إنه عاوزني أقوم بتجاوزات أخلاقية مع أصحابه مقابل الفلوس".
وواصلت الزوجة فى ردها على دعوى زوجها بالنشوز أمام محكمة الأسرة بروض الفرج: "انهرت ومعرفتش أمسك نفسي وحسيت بخوف منه، وخصوصا بعد ماشوفت حقيقته واتصلت بأهلي فى غيابه، ووصلوني لجهة حقوقية اللي ليها مكتب فى البلد هنا، وساعدوني أنزل مصر وأهرب منه، ورفعت عليه قضية طلاق وشهدت معايا واحدة من زوجاته اللي كانت ضحية ثبلي، وهربت قبل ماتقع فى مستنقع الحرام".
