د. ياسمين الفخراني تكتب: يا من تؤمن "بآية السيف" .. إقــــــــرأ
مؤمن بآية السيف ؟
مش عارف إيه هي آية السيف ؟
طيب إقرا وإن شاء الله هتعرف .. وهتفهم الصح
آية السيف هي الآية رقم ٥ من سورة التوبة
( فَإِذَا انْسَلَخَ الْأَشْهُرُ الْحُرُمُ فَاقْتُلُوا الْمُشْرِكِينَ حَيْثُ وَجَدْتُمُوهُمْ وَخُذُوهُمْ وَاحْصُرُوهُمْ وَاقْعُدُوا لَهُمْ كُلَّ مَرْصَدٍ ۚ فَإِنْ تَابُوا وَأَقَامُوا الصَّلَاةَ وَآتَوُا الزَّكَاةَ فَخَلُّوا سَبِيلَهُمْ ۚ إِنَّ اللَّهَ غَفُورٌ رَحِيمٌ )
وآية السيف هي الآية التي يحتج بها من يستحلون دماء غير المسلمين "وحتى دماء المسلمين من المخالفين في المذهب والمفرطين في بعض أوامر الله ونواهيه"
الآية التي اجتزأها بعض الأولون من سياقها "بالظبط زي ولا تقربوا الصلاة ، وويل للمصلين" !
وتناقلها من بعدهم الكثيرون من البسطاء الذين ليس لديهم القدرة على التمحيص والمراجعة والفرز !
اجتزأوها بحسن نية .. بسوء نية .. بغباء منقطع النظير .. ربنا الأعلم بيهم
معلش هستأذنك تجيب المصحف "او تفتحه على موبايلك" .. هنقرا صفحتين وحتة صغيرة من بداية سورة التوبة "المَهيبة جداااا"
من اولها لغاية آية ١٦ بس
علشان نشوف هل تعارضت الآية اللي فوق دي مع أكثر من ١٠٠ آية "ذكرتها في مقالي السابق" عن وجوب حماية حرية العقيدة ، وحث الله لنا على معاملة "الآخرين" بأحسن مما يعاملونا ، حتى أسرى الحرب "اللي اعتدوا علينا" منهم !
ولا أكدت على نفس تعليمات الآيات الكثيرة دي .. لكنها "استئصلت" استئصالاً من جسد السورة !
إقرأ ال ١٦ آية دول من فضلك بالراحة كدة وارجعلي تاني
.........
خلاص ؟
- شفت حتة "إلى الذين عاهدتم من المشركين" اللي في اول آية ؟
- طيب شفت رابع آية ؟
"إلا الذين عاهدتم من المشركين ثم لم ينقصوكم شيئا ولم يظاهروا عليكم احدا فأتموا إليهم عهدهم إلى مدتهم إن الله يحب المتقين " ؟
- طيب شفت سادس آية ؟
لو حد من المشركين استجار بيك فأجِره "يعني إنجده" ثم أبلغه مأمنه ، وسمعه ربنا بيقول إيه يمكن يكون في حد مضلله وسايقه للحرب دي وهو مش عارف الصح من الغلط أصلا
- طيب شفت سابع آية ؟
وربنا ( بيكـــــرر ) الاستثناء و التأكيد على إن "فما استقاموا لكم فاستقيموا لهم إن الله يحب المتقين" !
- وشفت في الآية ١٠ ؟
لا يرقبون في مؤمن إلا ولا ذمة "وأولئك هم المعتدون "
هم ميييين ؟؟ المعتدوووون !
- الكبيييييرة والفاصلة بقى .. الآية ١٣
ألا تقاتلون قوماً نكثوووا أيمانهم .. وهمووووا بإخراج الرسول .. (( وهم بدأووووكم أول مرة ))
هــــم البادئيـــــن بالعدوان وخرق المعاهدات مش إحنا !
فاستحقوا ( لـــــذلك ) القتاااال !
ناس خطر علينا وخطر على حياتنا ومصدر تهديد فعلي "مش افتراضي" وبدأوا فعلا بالعدوان ، ولو سيبناهم لن يرقبوا فينا إلا ولا ذمة !
فاستحقوا (( لـــــذلك )) القتال !
دفاعاً عن النفس ، ودفعاً لأذاهم
مش علشان هم مشركين !!
مش .. علشان .. هم .. مشركيــــــن !
لأن الله استثنى ( وكرر الاستثناء لتأكيده ) المشركين الآخرين اللي كانوا موجودين في نفس الوقت بس التزموا باتفاقاتهم معانا ، ولم يبادرونا بعدوان ، ولم يتحالفوا مع معتدي علينا "زي ما فعل يهود بنو قريظة وبنو النضير وبنو قينقاع" !
هؤلاء اليهود ومعهم بعض المسيحيين "اللي خانوا الاتفاقات وقتها" هم من نزل فيهم قول الله تعالى في نفس السورة آية ٢٩
( قَاتِلُوا الَّذِينَ لَا يُؤْمِنُونَ بِاللَّهِ وَلَا بِالْيَوْمِ الْآخِرِ وَلَا يُحَرِّمُونَ مَا حَرَّمَ اللَّهُ وَرَسُولُهُ وَلَا يَدِينُونَ دِينَ الْحَقِّ مِنَ الَّذِينَ أُوتُوا الْكِتَابَ حَتَّىٰ يُعْطُوا الْجِزْيَةَ عَن يَدٍ وَهُمْ صَاغِرُونَ )
مين يافندم ؟؟
اليهود والمسيحيين ( بالإسم فقــــــط ) ، الذين لا يؤمنون بالله ولا باليوم الآخر !
واحنا عايشين في نفس الدولة ودي الضريبة اللي هيدفعوها للدولة وللجيش اللي بيحميها ، زي ما المسلمين بيدفعوا زكاة وجوباً عن مالهم
طيب .. المسيحيين اللي حوالينا دول مش مؤمنين بربنا وباليوم الآخر ؟!!
ما بيرفعوش إيديهم بالدعاء ؟!
ما بيصلوش ومابيصوموش ابتغاء مرضاة الله وحده مش رضا حد فينا ؟!!
مش ربنا اللي قال لينا في سورة آل عمران
لَيْسُوا سَوَاءً مِنْ أَهْلِ الْكِتَابِ أُمَّةٌ قَائِمَةٌ يَتْلُونَ آيَاتِ اللَّهِ آنَاءَ اللَّيْلِ وَهُمْ يَسْجُدُونَ (113) يُؤْمِنُونَ بِاللَّهِ وَالْيَوْمِ الْآخِرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ وَيُسَارِعُونَ فِي الْخَيْرَاتِ وَأُولَئِكَ مِنَ الصَّالِحِينَ (114) وَمَا يَفْعَلُوا مِنْ خَيْرٍ فَلَنْ يُكْفَرُوهُ وَاللَّهُ عَلِيمٌ بِالْمُتَّقِينَ (115)
يعني مش كلهم واحد ، زي ما احنا كمان مش كلنا واحد !
.....
إقرأ الآيات مرة تانية من فضلك .. وراجع الكلام تاني علشان ماحدش يضحك عليك بعد كدة
علشان تعرف ترد !
لله .. وإبراءً للدين الرااااقي الذي أهانه وشوهه مغرضين ومغيبين مستشهدين بأقوال منسوبة زوراً للرسول ، وبأقوال بشر عاديين أسموهم علماء وفقهاء وألبسوهم هم وأقوالهم قدسية كلام الله !!
وكلها أقوال مرسلة بلا دليل لن تجد منها ( حـــــرفاً ) في كتاب الله !
بالعكـــس .. ستجد كل ما ينهى عنها ، وفي عشرات الآيات
" أرجو مراجعة المقال السابق بعنوان : إلى الملكيين أكثر من الملك سبحانه وتعالى .. إلى المزايدين على الله"
سورة التوبة سورة مهيبة جداااا بالنسبة لي ، وبتتكلم عن وجوب الثبات في حالات وجوب القتال ، وعن إثم الفرار والجبن في حالة وجوب القتال
ومع ذلك ، حتى اللي فروا وخافوا ربنا قال للمسلمين حاجة واحدة بس .. ما تكلموهمش
خاصموهم .. عقاب النبذ .. عقاب معنوي
وتاب عليهم لما حسوا بغلطهم وحسوا إنهم كانوا "صغيرين"
خد كلام ربنا ( وما لا يتعارض ) مع كلام ربنا مما هو منسوب للرسول صلى الله عليه وسلم ، ومن آراء فقهية
وغير كدة .. يبقى كلام غلط !
((( غلـــــــط )))
نصيحة أخيرة ..
القرآن هو الدستور اللي نازل لكل المسلمين ، ولكل البشر ..
فهو في مستوى ( الطالب المتوسط ) ..
يعني إيه ؟؟
يعني ربنا بيكلم فيه الفلاح .. والوزير
والأُمي .. واللي معاه دكتوراه
واللي عنده ١٥ سنة .. واللي عنده ٧٠ سنة
واللي من ١٤٣٠ سنة فاتوا .. واللي بعد ١٠٠٠٠ سنة جايين
فالأصل في القرآن وآياته هو إنك هتفهم الغالبية العظمى منه ( بدون مساعدة )
ده كتاب تعليمات !
ده كتاب ارشادات حياتنا كلـــــنا
فإنت في أغلبه ولا محتاج لتفسير فلان ولا علان اللي هيلبخولك عقلك وينسوك كنت بتقرأ في إيه أصلا
القرآن سهل ومباشر وبسيط .. "ومش محتاج وسيط بينك وبين ربنا ولا محتاج وَصِي على عقلك !! "
والاستثناء هو إنك تحتاج لمساعدة في بعضه
"فاسألوا أهل الذكر (( إن كنتم )) لا تعلمون "
إرفع راسك فووووق .. إنت مسلم
وليس بدينك ما يشين
دينك في منتهى الرقي والشياكة والعظمة
ما يشين هو أمور مدسوسة زوراً وبهتاناً وافتراءً على الله ورسوله .. لن تجد منها حرررفاً في القرآن "المحفوظ وحده دون غيره من أقوال البشر"
⇧
مش عارف إيه هي آية السيف ؟
طيب إقرا وإن شاء الله هتعرف .. وهتفهم الصح
آية السيف هي الآية رقم ٥ من سورة التوبة
( فَإِذَا انْسَلَخَ الْأَشْهُرُ الْحُرُمُ فَاقْتُلُوا الْمُشْرِكِينَ حَيْثُ وَجَدْتُمُوهُمْ وَخُذُوهُمْ وَاحْصُرُوهُمْ وَاقْعُدُوا لَهُمْ كُلَّ مَرْصَدٍ ۚ فَإِنْ تَابُوا وَأَقَامُوا الصَّلَاةَ وَآتَوُا الزَّكَاةَ فَخَلُّوا سَبِيلَهُمْ ۚ إِنَّ اللَّهَ غَفُورٌ رَحِيمٌ )
وآية السيف هي الآية التي يحتج بها من يستحلون دماء غير المسلمين "وحتى دماء المسلمين من المخالفين في المذهب والمفرطين في بعض أوامر الله ونواهيه"
الآية التي اجتزأها بعض الأولون من سياقها "بالظبط زي ولا تقربوا الصلاة ، وويل للمصلين" !
وتناقلها من بعدهم الكثيرون من البسطاء الذين ليس لديهم القدرة على التمحيص والمراجعة والفرز !
اجتزأوها بحسن نية .. بسوء نية .. بغباء منقطع النظير .. ربنا الأعلم بيهم
معلش هستأذنك تجيب المصحف "او تفتحه على موبايلك" .. هنقرا صفحتين وحتة صغيرة من بداية سورة التوبة "المَهيبة جداااا"
من اولها لغاية آية ١٦ بس
علشان نشوف هل تعارضت الآية اللي فوق دي مع أكثر من ١٠٠ آية "ذكرتها في مقالي السابق" عن وجوب حماية حرية العقيدة ، وحث الله لنا على معاملة "الآخرين" بأحسن مما يعاملونا ، حتى أسرى الحرب "اللي اعتدوا علينا" منهم !
ولا أكدت على نفس تعليمات الآيات الكثيرة دي .. لكنها "استئصلت" استئصالاً من جسد السورة !
إقرأ ال ١٦ آية دول من فضلك بالراحة كدة وارجعلي تاني
.........
خلاص ؟
- شفت حتة "إلى الذين عاهدتم من المشركين" اللي في اول آية ؟
- طيب شفت رابع آية ؟
"إلا الذين عاهدتم من المشركين ثم لم ينقصوكم شيئا ولم يظاهروا عليكم احدا فأتموا إليهم عهدهم إلى مدتهم إن الله يحب المتقين " ؟
- طيب شفت سادس آية ؟
لو حد من المشركين استجار بيك فأجِره "يعني إنجده" ثم أبلغه مأمنه ، وسمعه ربنا بيقول إيه يمكن يكون في حد مضلله وسايقه للحرب دي وهو مش عارف الصح من الغلط أصلا
- طيب شفت سابع آية ؟
وربنا ( بيكـــــرر ) الاستثناء و التأكيد على إن "فما استقاموا لكم فاستقيموا لهم إن الله يحب المتقين" !
- وشفت في الآية ١٠ ؟
لا يرقبون في مؤمن إلا ولا ذمة "وأولئك هم المعتدون "
هم ميييين ؟؟ المعتدوووون !
- الكبيييييرة والفاصلة بقى .. الآية ١٣
ألا تقاتلون قوماً نكثوووا أيمانهم .. وهمووووا بإخراج الرسول .. (( وهم بدأووووكم أول مرة ))
هــــم البادئيـــــن بالعدوان وخرق المعاهدات مش إحنا !
فاستحقوا ( لـــــذلك ) القتاااال !
ناس خطر علينا وخطر على حياتنا ومصدر تهديد فعلي "مش افتراضي" وبدأوا فعلا بالعدوان ، ولو سيبناهم لن يرقبوا فينا إلا ولا ذمة !
فاستحقوا (( لـــــذلك )) القتال !
دفاعاً عن النفس ، ودفعاً لأذاهم
مش علشان هم مشركين !!
مش .. علشان .. هم .. مشركيــــــن !
لأن الله استثنى ( وكرر الاستثناء لتأكيده ) المشركين الآخرين اللي كانوا موجودين في نفس الوقت بس التزموا باتفاقاتهم معانا ، ولم يبادرونا بعدوان ، ولم يتحالفوا مع معتدي علينا "زي ما فعل يهود بنو قريظة وبنو النضير وبنو قينقاع" !
هؤلاء اليهود ومعهم بعض المسيحيين "اللي خانوا الاتفاقات وقتها" هم من نزل فيهم قول الله تعالى في نفس السورة آية ٢٩
( قَاتِلُوا الَّذِينَ لَا يُؤْمِنُونَ بِاللَّهِ وَلَا بِالْيَوْمِ الْآخِرِ وَلَا يُحَرِّمُونَ مَا حَرَّمَ اللَّهُ وَرَسُولُهُ وَلَا يَدِينُونَ دِينَ الْحَقِّ مِنَ الَّذِينَ أُوتُوا الْكِتَابَ حَتَّىٰ يُعْطُوا الْجِزْيَةَ عَن يَدٍ وَهُمْ صَاغِرُونَ )
مين يافندم ؟؟
اليهود والمسيحيين ( بالإسم فقــــــط ) ، الذين لا يؤمنون بالله ولا باليوم الآخر !
واحنا عايشين في نفس الدولة ودي الضريبة اللي هيدفعوها للدولة وللجيش اللي بيحميها ، زي ما المسلمين بيدفعوا زكاة وجوباً عن مالهم
طيب .. المسيحيين اللي حوالينا دول مش مؤمنين بربنا وباليوم الآخر ؟!!
ما بيرفعوش إيديهم بالدعاء ؟!
ما بيصلوش ومابيصوموش ابتغاء مرضاة الله وحده مش رضا حد فينا ؟!!
مش ربنا اللي قال لينا في سورة آل عمران
لَيْسُوا سَوَاءً مِنْ أَهْلِ الْكِتَابِ أُمَّةٌ قَائِمَةٌ يَتْلُونَ آيَاتِ اللَّهِ آنَاءَ اللَّيْلِ وَهُمْ يَسْجُدُونَ (113) يُؤْمِنُونَ بِاللَّهِ وَالْيَوْمِ الْآخِرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ وَيُسَارِعُونَ فِي الْخَيْرَاتِ وَأُولَئِكَ مِنَ الصَّالِحِينَ (114) وَمَا يَفْعَلُوا مِنْ خَيْرٍ فَلَنْ يُكْفَرُوهُ وَاللَّهُ عَلِيمٌ بِالْمُتَّقِينَ (115)
يعني مش كلهم واحد ، زي ما احنا كمان مش كلنا واحد !
.....
إقرأ الآيات مرة تانية من فضلك .. وراجع الكلام تاني علشان ماحدش يضحك عليك بعد كدة
علشان تعرف ترد !
لله .. وإبراءً للدين الرااااقي الذي أهانه وشوهه مغرضين ومغيبين مستشهدين بأقوال منسوبة زوراً للرسول ، وبأقوال بشر عاديين أسموهم علماء وفقهاء وألبسوهم هم وأقوالهم قدسية كلام الله !!
وكلها أقوال مرسلة بلا دليل لن تجد منها ( حـــــرفاً ) في كتاب الله !
بالعكـــس .. ستجد كل ما ينهى عنها ، وفي عشرات الآيات
" أرجو مراجعة المقال السابق بعنوان : إلى الملكيين أكثر من الملك سبحانه وتعالى .. إلى المزايدين على الله"
سورة التوبة سورة مهيبة جداااا بالنسبة لي ، وبتتكلم عن وجوب الثبات في حالات وجوب القتال ، وعن إثم الفرار والجبن في حالة وجوب القتال
ومع ذلك ، حتى اللي فروا وخافوا ربنا قال للمسلمين حاجة واحدة بس .. ما تكلموهمش
خاصموهم .. عقاب النبذ .. عقاب معنوي
وتاب عليهم لما حسوا بغلطهم وحسوا إنهم كانوا "صغيرين"
خد كلام ربنا ( وما لا يتعارض ) مع كلام ربنا مما هو منسوب للرسول صلى الله عليه وسلم ، ومن آراء فقهية
وغير كدة .. يبقى كلام غلط !
((( غلـــــــط )))
نصيحة أخيرة ..
القرآن هو الدستور اللي نازل لكل المسلمين ، ولكل البشر ..
فهو في مستوى ( الطالب المتوسط ) ..
يعني إيه ؟؟
يعني ربنا بيكلم فيه الفلاح .. والوزير
والأُمي .. واللي معاه دكتوراه
واللي عنده ١٥ سنة .. واللي عنده ٧٠ سنة
واللي من ١٤٣٠ سنة فاتوا .. واللي بعد ١٠٠٠٠ سنة جايين
فالأصل في القرآن وآياته هو إنك هتفهم الغالبية العظمى منه ( بدون مساعدة )
ده كتاب تعليمات !
ده كتاب ارشادات حياتنا كلـــــنا
فإنت في أغلبه ولا محتاج لتفسير فلان ولا علان اللي هيلبخولك عقلك وينسوك كنت بتقرأ في إيه أصلا
القرآن سهل ومباشر وبسيط .. "ومش محتاج وسيط بينك وبين ربنا ولا محتاج وَصِي على عقلك !! "
والاستثناء هو إنك تحتاج لمساعدة في بعضه
"فاسألوا أهل الذكر (( إن كنتم )) لا تعلمون "
إرفع راسك فووووق .. إنت مسلم
وليس بدينك ما يشين
دينك في منتهى الرقي والشياكة والعظمة
ما يشين هو أمور مدسوسة زوراً وبهتاناً وافتراءً على الله ورسوله .. لن تجد منها حرررفاً في القرآن "المحفوظ وحده دون غيره من أقوال البشر"
